Eleonora K.Gjoka:IKE, POET(Ndoc Gjetjes)

nga **Agim Gashi** Thu Jun 09, 2011 6:18 pm

Eleonora K.Gjoka:IKE, POET
Ndoc Gjetjes
Eleonora K.Gjoka:IKE, POET(Ndoc Gjetjes) 11472_NpAdvMainFea

Ike, poet?
Pasi pive hidhërimin në kupë,
E zbraze dollinë me fund,
Etjen e madhe e shove,
Gati dhe gotën ta kafshoje.
Pastaj e lëshoje me neveri,
Dhimbja metastaze mbyllej në shpirt!

Ike, poet!
Balta e Berdicës t’u bë shtrojë,
Të rrethuan me dërrasa mburojë,
Mos!
Krim për një poet!
Bëhet i rëndë druri,
Kush do ta ngrejë!
Nga ç’lëndë u ndërtua?
Mos nga mollë, a mos nga ftua?

A mos kërkove, poet,
Një arkë qelqi për t’u mbështetë,
Të shiheshe ndonjëherë me të gjallë,
Për t’u nisur mesazhe me valë?
Jo!
I the të gjitha brengat më parë,
Siç janë thënë në Dhiatë,
Ike i lehtësuar, hyre në baltë,
Shkove atje ku gjen vetëm Paqe!

Shlodhu, më në fund, poet!
Shpëtove nga kjo e reme jetë,
Ku njerën faqe ta lëmojnë,
Në tjetrën me shuplakë të qëllojnë!
Ike, poet?
Qoftë e lehtë ajo baltë!
Pasi pive kupën e hidhur krejt,
Duar lidhur u nise për larg.

E mbyllën poetin në arkë,
Lisi, dëllinje, ahu, pishe?
S’ka rëndësi se çfarë ishte…
Ishte dru nga ato pyje,
Ku poeti merrte frymëzime,
Sapo niste kënga e kanarinave,

Në Tokën ku u shuan shumë yje…

Eleonora K. Gjoka
Qershor 2010, Nju Jork.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30