Agim Gashi:Poet ishe dje - poet mbete sot-Në përkujtim të Tahir Deskut

nga **Agim Gashi** Wed Dec 05, 2012 2:16 pm

Në përkujtim të Tahir Deskut

Agim Gashi:Poet ishe dje - poet mbete sot
(Tahir Deskut)

Agim Gashi:Poet ishe dje - poet mbete sot-Në përkujtim të Tahir Deskut Tahir-desku

Zanat dhe petritat mbledhur në një ndejë,
Vallëzuan me fyell, kënduan me qifteli.
An’ e kand jehuan malet e Qyqavicës,
Ti, poet, vargjet kishe futë në gji.
Poet ishe dje ... sot epitafin POEZI.

Shpërthyen qiellit rrufetë, për rreze drite.
Vargjet në gjoksin tënd ecën një shekull.
Yjet vezullonin mbi Dardaninë etnike,
Shpirti yt shkruante biografi rob në hekur.

Ecje maleve i lodhur, ngarkuar me ëndrra,
Zemrën e ndezur, të mbushur plot galdim.
Për tonën Dardani nuk reshte së shkruari,
Yjet nga qielli zbret për Lirin shkëlqim...

Aty ku ranë Jasharajt, gdhinë ylber mistik,
Krah për krah maleve me zana e petrita.
Me poezi ndez qiellin dhe zemrat shqiptare,
Në malet për liri, çdo varg – abetare.

Kur n’zemër t´Kosovës digjen lisa e shtëpia,
Ti ia more këngës e poezia kullonte lot.
Ison ta mbanin bardhat mbi qiellin e ngrysur,
Me ëndërrat e ngjyrta - gjerdan lirie në gjoks.

Mbështetur në bërryla me shiqim nga dielli,
N’shoqërim gjithë shqipet të rrinin mbi kokë,
Me tirqi, fustanella, opinga e shokë gërsheti,
Atdheun shihje plisbardhë kur digjej e jona tokë.

Pingul rrezet e diellit u lëshuan mbi atdhe,
Zemrat tona i ngriu acari mitik.
Tahir bre, t’u ndal vargu ligjëron poezia.
Pamshirshëm rrufeja, të theu lirinë.

Dhimbje n'Qyqavicë plandosje n'Dukagjin
Zanat e petritat thurrin tok një himn
u tret gëzimi - dhimbja derdhet në lot,
Për ty që poet ishe dje e poet mbete sot.

15.12.2011
Düren

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30