Ardi Omeri:I prezantoj Sofres Poetike dhe krijuesve te saj poeteshen e talentuar RUDINA CUPI

nga **Agim Gashi** Wed Jun 15, 2011 1:22 am

Ardi Omeri:I prezantoj Sofres Poetike dhe krijuesve te saj poeteshen e talentuar RUDINA CUPI

Une nuk jam shume i afte te bej "biografi" por mendoj se "biografia" e nje poeti eshte krijimtaria. Rudina eshte redaktore e shtepise botuese ALBAS ne Tirane. Me krijimet e saj tashme te botuara ne disa vellime Ajo eshte nje poeteshe per nje elite te caktuar lexueshish, dhe une ju ftoj te shijoni poezine e saj te veçante. Ju faleminderit me respekt Ardi Omeri ps. ftoj moderatoret e nderuar te faqes te bejne tag-et qe deshirojne per miqte e Sofres:)

DËSHIRË

Vështrimi yt më pykon
-Çfarë mund të bëjnë bashkë dy të huaj si ne?
Sikur momenti të ishte mbështjellë
me lëkurë si një flluskë
me mjegull e frymë brenda,
sikur të ishin aq ngushtë
si t futur të dy në një çorape najloni,
me të gjitha pikat tona të dobëta në ajër
për të shijuar gjithshka që mbetet prej frikës
që shket poshtë si këmishë nate
e të ndjesh se je trupi i një ore rëre
që rrëshqethkëzat
poshtë...poshtë...poshtë...në botën tjetër
të ndjesh si eci me duar mbi lëkurën tënde duke ndjekur
esencën
të ndjesh zjarrin që kacavirret për të arritur te buzët,
të ndjesh si thonjtë ngulen në lëkurën time
për të grisur kënaqësinë që ngutet e ngrihet si tymi
i oxhakut
e për të kuptuar se fjalët e mishit janë të kuqe...
të kuqe...
të kuqe...
të ndjesh si e ndjejnë tërmetin sensorët e tu...
mu në rrugën mes nesh të lidhur prej kërthize...

largësia duket kaq e çuditshme tani...

Statujat nudo

Duart e grave nuk rëndojnë!

Do i mbledh të gjitha statujat nudo
Në një harem shushuritës,
Ku muzikën e drejtojnë veç shuplakat
Dhe zogjtë e qejfit që s’kanë nevojë për qiell

Do i mbledh statujat nudo, nazemadhe,
Prej botëve të hershme që ka çdo kohë,
Siç mblidhen dëshirat në prehër
E do mjaftojë një fije drite,
Si një valle, do ti bëj kurorë.

Do ju sjell një mijë e një statuja nudo,
T’ju bind se bota është dëshirë kaherë,
Është hapësirë që e prangosni me gjithshka
Dhe ju duhet një gurëbardhë
Të kuptoni bukurinë që kalon çdo vlerë.

Keto dy poezi i shkeputa nga vellimi poetik R, keshtu e ka titulluar Rudina kete liber i ndare ne ciklet, - E CARA, VRULL

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30