Vjollca Ibishi Çitaku:Nuk besoja se një ditë gjethet e dashurisë vyshken

nga **Agim Gashi** Thu Jun 30, 2011 12:18 am

Vjollca Ibishi Çitaku:Nuk besoja se një ditë gjethet e dashurisë vyshken

Sa shumë dritë pikonte syri yt s’mundem ta përshkruaj as me ketë penen time te përmalluar.
Sa çudi, si e dehur kam mbetur kur edhe qielli po qanë me lot, edhe vjeshta ka ardhur shumë herët sa keq a mos vallë është penduar edhe vjeshta për ardhjen e saj të hershme apo i mbinatyrshmi i ka shkruar datën gabimisht, a mos vallë dashuria është vetë mallkim.
Jo, jo s’mund të jetë ashtu ateherë pse ka edhe pranverë, pse nuk ka vetëm vjeshtë.
Shijet janë të ndryshme askush nuk di ta dalloj si duket shijen që i pëlqen. Dikush kerkon vjeshtë, dikush verë e pranverë e ca të tjerë edhe dimër kërkojnë por vetëm atëherë kur këmbët iu mbesin tën zbathura kuptojnë se ç’do të thotë vjeshtë, ç’do të thotë këmbët të të shkelin nëpër akull sikur mbi akullin e zemrës time sonte në këtë natë të ftohtë vjeshte.
Sa keq njerëzit shohin ëndërra bardh e zi dhe kur zgjohen nga ai gjumë dhe ajo ëndërr e tmerrshme atëherë kuptojnë se ku i kanë shpier epshet ndjellakeqe.
Nuk besoja kurrë që do të vjen një ditë kaq e shpejtë që trungu im prej peme frutdhënese do të cungohet kaq shpejtë kaq lehtë, pa fryrë as edhe veriu, as edhe një stuhi e tmerrit pa rënë, as edhe një copë akull nga qielli i shpirtit tim...
Nuk besoja kurrë që vjeshta do të vij në zemrat tona dhe nuk doja të besoja që një ditë dashurisë do t’i vyshken gjethet...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30