Akad.Islami: Rezultatet e regjistrimit të popullsisë shtrembërojnë gjendjen

nga **Agim Gashi** Thu Jun 30, 2011 6:23 pm

Akad.Islami: Rezultatet e regjistrimit të popullsisë shtrembërojnë gjendjen

Duke komentuar rezultatet e para të regjistrimit të popullsisë në Kosovë si dështim i pritur, eksperti i njohur i demografisë, akademik Hivzi Islmai, thotë se këto rezultate "do të shtrembërojnë gjendjen në shumë indikatorë të zhvillimit shoqëror", siç janë janë politikat e planifikimit hapësinor, urban dhe shoqëror, buxheti dhe BPV/GDP, shkalla e varfërisë, kontingjentet e punës dhe norma e papunësisë, raportet dhe çështjet kyçe politike, hulumtimet shkencore etj.

Nëpërmjet një analize akademik Islami thekson se "shumë më keq për Kosovën dhe shqiptarët është lëndimi i anës cilësore të regjistrimit". Nëse të dhënat e tilla, as kuantitativisht e as kualitativisht, nuk janë të vlefshme për ata që u destinohen atëherë kujt do t'i shërbejnë ato?!, pyet Islami dhe konstaton se ky regjistrim do të sjellë dëme të mëdha dhe në rrafshin politik, çfarë janë krijimi i dhunshëm i dimensionit multietnik të Kosovës, ku do të del një çelës i ri i zgjidhjes së raporteve politike në dëm të shqiptarëve!

Ndërkaq, lidhur me regjistrimin e popullsisë, shtyerjen dhe mosmenaxhimin e tij në veri të Kosovës, ai thotë se "kjo Qeveri e hapi rrugën legale për ndarjen e Kosovës dhe rrjedhimisht për krijimin e një entiteti të veçantë territorial etnik për serbët në veri të Republikës", thekson akad. Islami.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30