Shqipëria e vetmja ku po shtohen lindjet

nga **Agim Gashi** Fri Jul 01, 2011 1:59 pm

Shqipëria e vetmja ku po shtohen lindjet

Popullsia e botës po i afrohet shifrës së 7 miliardë banorëve. Ky lajm është dhënë nga Akademia Ruse e Shkencave, përmes anëtarit të saj, Vasili Zhukov, i cili gjithashtu ka marrë në konsideratë dukurinë e ecurisë pozitive demografike në Shqipëri.

Analiza përkatëse është bërë në Samitin Demografik të Moskës, ku është cituar fakti se në të gjitha vendet evropiane, përveç Shqipërisë, ka një rënie të normave të lindjes.

Në këtë Samit, siç citojnë mediet ruse, është shtuar gjithashtu edhe fakti se për momentin, situata demografike në botë është zhvilluar nën ndikimin e vështirësive dhe ka qenë në njëfarë mënyre, një përgjigje e kushteve të veçanta socio-ekonomike .

“Përveç Shqipërisë, në vendet e tjera evropiane po zhvillohet kryesisht një politikë e kufizimit të rritjes së popullsisë. Ndërsa qeveritë dhe shoqëria e vendeve të botës së tretë po kërkojnë që ta rritur popullsisë “, tha ai.

Akademia Ruse e Shkencave ka pohuar në këtë Samit se në Rusi për çdo 100 martesa, ka të paktën 60 divorce.

“Ky tregues tregon statusin e ulët të familjes në vendin tonë”, tha shkencëtari Zhukov.

Përveç kësaj, ai sugjeroi edhe disa masa që mund të kontribuojnë në rritjen e popullsisë, në veçanti, promovimi i jetesës së shëndetshme, reduktimi i aksidenteve, siguria e punës, parandalimi i abortit etj.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30