Prokuroria ka pushuar hetimet ndaj ish-ministrit Zharku

nga **Agim Gashi** Mon Jul 04, 2011 8:53 pm

Prokuroria ka pushuar hetimet ndaj ish-ministrit Zharku

Sot Prokuroria e Qarkut në Prishtinë ka marr vendim për pushimin e hetimit kundër Lutfi Zharkut, ish ministër i Ministrisë i Tregtisë dhe Industrisë, i cili dyshohej për kryerjen e veprës penale Shpërdorim i pozitës zyrtare ose i autorizimit nga neni 339 par. 3 lidhur me par. 1 të Kodit Penal të Kosovës.

Hetimi i prokurorisë ka të bëj me rastin e dhënies së autorizimit, laboratorit “Derivati” nga Hani i Elezit, për vlerësimin e cilësisë së naftës dhe derivateve të naftës në pikat doganore, si dhe në tregun e brendshëm të Republikës së Kosovës.

Gjatë hetimit, i cili ka zgjatur disa muaj, janë dëgjuar ish ministri Zharku, si dhe dëshmitarë, zyrtarë nga Ministria e Tregtisë dhe Industrisë dhe përfaqësues nga laboratori “Derivati”, po ashtu janë grumbulluar prova të shumta materiale.

Prokuroria e Qarkut në Prishtinë me asnjë provë të siguruar, nuk ka gjetur dëshmi se si pasojë e drejtpërdrejtë e veprimeve të ish ministrit Zharku është realizuar përfitimi i kundërligjshëm i dobisë pasurore për vete ose për laboratorin “Derivati” apo shkaktimi i dëmit për personin tjetër ose për organizatë të biznesit, për ta cilësuar në mënyrë të drejtë veprën penale nga neni 339 par. 3 lidhur me par. 1 të Kodit Penal të Kosovës.

Andaj, bazuar në rezultatin e hetimit Prokuroria e Qarkut në Prishtinë ka vendosur që ta pushojë hetimin kundër ish ministrit Zharku, pasi që nga provat e mbledhura nuk ekziston dyshim i arsyeshëm se i njëjti ka kryer veprën penale në fjalë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30