Ndërkombëtarët injorojnë hetimet ndaj gjyqtarëve!

Ndërkombëtarët injorojnë hetimet ndaj gjyqtarëve!

Besim Toska, BOTA SOT
Paqartësi për emërimin e gjyqtarëve e prokurorëve



“Komisioni i Pavarur Gjyqësor dhe Prokurorial, nuk ka kërkuar kurrfarë raporti nga ne, ndonëse kemi pasur 420 ankesa ndaj gjyqtarëve e prokurorëve”, -thotë Kadri Begolli.
Dosjet
Peter Bach, drejtor i sekretariatit të Komisionit të Pavarur Gjyqësor dhe Prokurorial i ka deklaruar gazetës “Bota sot” se me marrëveshje dhe legjislacionin i cili e ka themeluar KPGJP-në, Zyra e Prokurorit Disiplinor, është obliguar që t’ia dorëzojë komisionit informatat që ata i kanë.
184
Begolli thotë se nga 420 ankesa, 236 janë refuzuar si të pabazë, në 184 raste kanë zhvilluar hetimet, në 40 sosh kanë gjetur prova se është sjellje e pahijshme, ndërsa rastet tjera i kanë mbyllur pasi kanë kryer hetimet.


Procesi i emërimit të gjyqtarëve e prokurorëve është duke vazhduar sipas fazave të parapara nga Komisioni i Pavarur Gjyqësor dhe Prokurorial. Por, Komisioni, fare nuk ka kërkuar raport nga Zyra e Prokurorit Disiplinor për hetimet dhe të gjeturat ndaj gjyqtarëve e prokurorëve duke injoruar kështu punë disa vjeçare të Zyrës disiplinore. Një numër i madh i gjyqtarëve e prokurorëve aktualë do të eliminohen nga gara për shkak të punës së pahijshme që kanë bërë gjatë ushtrimit të funksioneve të tyre.
Të gjeturat i duhen Komisionit për emërim

Edhe Zyra e Prokurorit Disiplinor, e cila bën hetimet ndaj këtyre organeve ka gjetur fakte se disa gjyqtarë e prokurorë kanë bërë shkelje të ligjit. Derisa faza e aplikimit preliminar ka mbaruar dhe aplikantët do t’i nënshtrohen testit të etikës, Komisioni nuk ka kërkuar asnjë informatë apo raport për hetimet e bëra ndaj gjyqtarëve e prokurorëve. Statistikat tregojnë se janë marrë parasysh 891 persona që kanë aplikuar, ndërsa janë refuzuar 244 të tjerë. Kadri Begolli, koordinator i hetimeve gjyqësore në Zyrën e Prokurorit Disiplinor, tregon për gazetën se ndaj sistemit të drejtësisë dhe gjyqësorit vetëm gjatë vitit 2008 ka pasur 420 denoncime në Zyrën e Prokurorit Disiplinor. Sipas tij kjo zyrë ka bërë hetimin e parashtresave kundër gjyqtarëve, gjyqtarëve porotë dhe prokurorëve dhe mbi 40 dosje i ka paraqitur për shqiptimin e masave disiplinore në Këshillin Gjyqësor të Kosovës. “Komisioni i Pavarur Gjyqësor dhe Prokurorial, nuk ka kërkuar kurrfarë raporti nga ne dhe e kemi prioritet derisa KPGJP-ja të kërkojë raportin e punës të kryejmë sa më shumë lëndë”, thotë Kadri Begolli. Ai shtoi se të gjithë duhet të kontribuojmë në mënyrë që mos të ketë probleme pas emërimit të gjyqtarëve e prokurorëve pas disa vitesh dhe prej të mirëve të zgjidhen më të mirët, sepse do të jenë të përhershëm. Koordinatori i hetimeve gjyqësore, tregon se pjesa dërmuese e ankesave janë për sjellje të pahijshme, që kanë të bëjnë me shkeljen e kodit etik, ushtrimi i profesionit gjyqësor e prokurorial me neglizhencë, pozita e papërshtatshme ku mungon pavarësia dhe rastet etnike dhe vepra kriminale.
Dosjet ndaj gjyqtarëve e prokurorëve, të rëndësishme
Po mundohem që të gjitha parregullsitë që qytetarët i detektojnë gjatë jetës me i përcjellë në organet përgjegjëse. Secili duhet të kryejë punën sipas mandatit që ka, ata që nuk munden me mbajtë punën të shkojnë në shtëpi. Nuk do të bëjë asnjë tolerim nga asnjëri, -tha koordinatori i hetimeve gjyqësore Kadri Begolli. Ai tregon se nga 420 ankesa, 236 janë refuzuar si të pabazë, në 184 raste kanë zhvilluar hetimet, në 40 sosh kanë gjetur prova se është sjellje e pahijshme, ndërsa rastet tjera i kanë mbyllur pasi kanë kryer hetimet. Koordinatori i hetimeve gjyqësore, Kadri Begolli, tha se gjetjet tregojnë dyshimet për ekzistimin e veprave penale në 8 raste, neglizhencë në ushtrimin e funksionit gjyqësor apo vonesa 150 raste, 175 të tjera kanë të bëjnë me raste tjera të neglizhimit, pavarësia dhe paanshmëria e gjyqtarëve janë 26 raste, 5 raste janë për situata kur gjyqtarët e kanë sjellë veten në atë pozitë që nuk i përket gjyqtarit e prokurorit, 24 raste shkelje të rëndë të Kodit të Etikës dhe 32 raste të tjera të pa sistemuara, që nuk përfshihen në këto gjëra. Sipas tij këto gjetje shërbejnë për emërimin e gjyqtarëve e prokurorëve. Nga ana tjetër Peter Bach, drejtor i sekretariatit të Komisionit të Pavarur Gjyqësor dhe Prokurorial i ka deklaruar gazetës “Bota sot” se me marrëveshje dhe legjislacionin i cili e ka themeluar KPGJP-në, Zyra e Prokurorit Disiplinor, është obliguar që t’ia dorëzojë komisionit informatat që ata i kanë. Sipas tij kjo do të jetë një pjesë e rëndësishme e procesit të emërimit