Gjenden flokët e kokës së prerë, 84 vjeçari rrëfehet

nga **Agim Gashi** Wed Aug 17, 2011 10:06 pm

Gjenden flokët e kokës së prerë, 84 vjeçari rrëfehet

Dumka: E vrava Liljanën, pasi shpenzoi 3 mln lekë

(I plotësuae) - Gjenden pjesë të kokës së 42-vjeçares Liljana Arapi, trupi i së cilës u gjend i masakruar, pak ditë më parë në vendin e grumbullimit të mbeturinave, të qytetit të Korçës, ndërsa i moshuari Gaqo Dumka ka pranuar autorësinë e vrasjes.

84-vjeçari ka treguar vendin ku kishte groposur kokën e gruas së masakruar, ndërsa pas verifikimeve përkatëse, policia e Korçës ka mundur të gjejë një qese plastike me njolla gjaku, si dhe flokë që mendohet t`i prkasin viktimës në fjalë. Këto pjesë të kokës, policia ka mundur t`i gjejë në afërsi të banesës, ku ka ndodhur edhe krimi, pasi 84-vjeçari Gaqo Dumka ka pranuar të rrëfejë ngjarjen, ashtu siç ka ndodhur kur është rimarrë në pyetje në polici, pak orë pasi gjykata ka dhënë edhe masën e arrestit, burg pa afat.
Por, arsyeja që ka çuar të moshuarin deri në këtë veprim fatal, për 42-vjeçaren nuk ishte xhelozia siç kishte deklaruar, por për arsye se kjo e fundit i kishte shpenzuar 3 milion lekë të vjetra, të kursyera nga 84 vjeçari.
Ndërkohë që, trupi i gjymtuar i Liljana Arapit është tërhequr nga morgu i spitalit të Korçës prej familjarëve të saj, ndërsa në mesditën e së mërkurës është kryer edhe ceremonia mortore e saj. Motra e 42-vjeçares në një pronocim për mediat ka shprehur besimin se autori është vendosur tashmë në pranga dhe bën apel që drejtësia të vihet në vend.
Gjykata e Korçës ka lënë në burg 84-vjeçarin Gaqo Dumka, i cili dyshohet se ditë më parë ka masakruar me thikë 42-vjeçaren Liliana Arapin.

Masakra në Korçë, burg pa afat për 84-vjeçarin

Gjykata e Korçës ka dhënë masën e sigurisë burg pa afat për 84-vjeçarin Gaqo Dumka i cili ditë më parë masakroi me thikë 42-vjeçaren Liliana Arapi.
Në seancën gjyqësore 84-vjeçari nuk ka pranuar autorësinë e vrasjes ndërsa ka deklaruar se tre persona të tjerë e kanë vrarë Liliana Arapin.
Sipas tij tre personat për të cilët ai thekson se nuk i njeh e kanë vrarë 42-vjeçaren në shtëpinë e tij dhe më pas e kanë detyruar atë të hedhë trupin e saj në vendin e grumbullimit të mbeturinave të qytetit të Korçës.
Në dëshminë e tij para trupit gjykues, i moshuari ka deklaruar se e ka pranuar autorësinë që në fillim, pasi ka qenë nën kërcënimin e vrasësve të Liliana Arapit.
Ndërkohë familjarët e 42-vjeçares Liliana Arapi kanë tërhequr sot nga morgu i spitalit trupin pa kokë për të kryer edhe ceremoninë mortore.
Mungesa e kokës u konstatua që në momentin e parë kur në fushën e mbetjeve urbane u zbuluan gjymtyrët dhe trupi të mbështjella në qese plastike, por pas kërkimeve të shumta nuk u gjet asnjë shenjë e saj.
Ndërkohë fati i kokës së prerë të 42-vjeçares mbetet ende mister pasi sipas 84-vjeçarit tre personat të cilët e vranë Liliana Arapin e kanë marrë me vete kokën e saj.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30