Ju prezantojmë poeten dhe shkrimtaren Viktoria Xhako alias Zhorzh Sand.

nga **Agim Gashi** Sat Aug 27, 2011 8:19 pm

Ju prezantojmë poeten dhe shkrimtaren Viktoria Xhako alias Zhorzh Sand.

Quhet Viktoria Xhako, ndërsa pseudonimi i saj letrar është Zhorzh Sand. Përzgjedhja e këtij pseudonimi është një ide personale.Eshtë lindur në qytetin e Durrësit më 09.10.1950. Babai i saj është nga Leskoviku. Ajo ka mbaruar studimet e larta në Universitetin e Tiranës, në fakultetin gjuhë dhe letërsi shqipe. Ka qenë mësuese e kësaj lënde në gjimnaz deri sa emigroi jashtë vendit.

Në prill 2011 u botua vëllimi i saj i parë poetik “Zemër e ngrirë”, nga i cili po shkëpusim dy poezi.

KURRE S`KE QENE!
Ju prezantojmë poeten dhe shkrimtaren Viktoria Xhako alias Zhorzh Sand. Pamje2

Ju prezantojmë poeten dhe shkrimtaren Viktoria Xhako alias Zhorzh Sand. Pamje2

Në ëndrrat e mia, i heshtur, i qetë,
Çdo natë pa trokitur futesh ti.
Në kolltukun e thellë vend zë mirë,
Në dorë mban gotën që kurrë s`e pi.

Me sy më kërkon të prek tastierën,
Lulet mbi `të, aromë tingujsh lëshojnë,
Qirinjtë po fiken si shpirtra ngadalë.
Errësirë, errësirë... Ti ngrihesh e shkon.

Rrëmoj në ëndrrat zemërdrithëruar,
Fletët e kohës flak pa mëshirë,
Vjetërsirë e mbyllur në sënduk për vite...
Kurrë s`ke qenë, po prapë ngrihesh e ikën!

SI TE VIJ?
Ju prezantojmë poeten dhe shkrimtaren Viktoria Xhako alias Zhorzh Sand. Akujt

Ju prezantojmë poeten dhe shkrimtaren Viktoria Xhako alias Zhorzh Sand. Akujt

Ku je?
Sa larg është horizonti!!!
E ti je pas tij!
Je apo nuk je?
Si të të gjej?
Si të vij tek ti?
Po bëhet gjysma e shekullit.
Sa rron shqiponja? 300vjet?
Më shumë? Më pak? Ç`rëndësi ka tani?
Ti je atje,
E unë s`jam shqiponjë të vij tek ti.
Po sikur të isha një pendë e saj,
E ajo të më sillte atje?
Atje ku dielli, yjtë, hëna lozin në harmoni,
Atje ku lulet, bletët, puhizat, flladet lozin në harmoni,
Atje ku të vegjëlit rriten
e hyjnë në harkun e bukur të harmonisë.
Atje je ti,
E unë 300 vjet larg,
E unë këtej horizontit.
Si të vij tek ti?
Një kujtim të ëmbël ku ta gjej?
Sa shterpë është jeta pa një kujtim!
Si një degë e thatë ndanë udhës,
E thyen çdo dorë kalimtare,
E luan me ´të,
Dhe erë e lehtë e shkul nga rrënjët.
E ajo mbetet po ajo: një degë e thatë ndanë udhës.
Si të vij tek ti???

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30