TRI POEZI NGA VIKTORIA XHAKO(ZHORZH SAND)

nga **Agim Gashi** Wed Jul 23, 2014 9:29 pm

TRI POEZI NGA VIKTORIA XHAKO(ZHORZH SAND)

JE... UNË

Ajër je rreth trupit tim,
Në cep syri je lot i varur.
Lapsin sa herë marr në dorë,
Fletës zbret, ëndërr e mardhur.

Nuk je mungesa e përjetshme,
Zjarr i shuar nuk je ti.
Je diell që ngroh zemrën time,
Je Muza prush mbuluar në hi!

Dhe unë... bëhem ti!

E enjte 28 qershor 2012 ora 22:30
VIKTORIA XHAKO
(ZHORZH SAND)

NËN BLI

Një ditë do të vij aty tek ti,
Tek gjysmë adresa mbi zarf, e prishur,
Në bulevardin e heshtur do takohemi përsëri,
Tek bliri i vetëm që dikur na kishte pritur.

Në rrënjët e tij e mbolla zemrën time,
Pengun tim të vetëm, që të më kthejë tek ti.
Mbase s’do të ketë të bukura agime,
Nën tymnajë heshtjeje që, mbështjellë na ka të dy.
...
Mbase trishtueshëm do të shihemi në sy!
...
Por zemra ime rreh nën atë bli...

E premte 15 qershor 2012 ora 13:00
VIKTORIA XHAKO
(ZHORZH SAND)

MË BËNI TË BUKUR

Ndihmomëni, ju lutem, ta vesh gëzimin tim...
Bëmëni, ju lutem, vetëm për një çast, të bukur...

Unë të pres mbështjellë me trishtimin e ftohtë,
Në skajin e harruar të botës mure verdhë,
Ku fjalë të përdala të një kohe të marrë,
Erë e çmendur m’i uturinte me kamzhikë në veshë.

Ti vjen tek unë gaz i viteve të ngrira,
Një copëz kaltërsi ma shtrin mbi mermer,
Dy portokaj m’i lë në grushtet e mbyllura,
Dhe hënën, më të florinjtë, mbi sy ma zbret.

Si ta vesh fustanin tim të bardhë? Si ta vesh?
I ngushtë ky shtrat, më shtrëngon tek supet.
Ndihmomëni, ju lutem, ta vesh gëzimin tim,
Bëmëni për ty, i dashur, vetëm për një çast, të bukur.

E premte 18 korrik 2014 ora 22:30

TRI POEZI NGA VIKTORIA XHAKO(ZHORZH SAND) 10410920_876048019089378_6433835183344349624_n

TRI POEZI NGA VIKTORIA XHAKO(ZHORZH SAND) 10410920_876048019089378_6433835183344349624_n

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30