Uragani Irene godet Nju Jorkun

nga **Agim Gashi** Sun Aug 28, 2011 6:15 pm

Uragani Irene godet Nju Jorkun

Skena nga stuhia: Fotot e lexuesve të uraganit Irene.

Uragani Irene godet Nju Jorkun Ff-Irene1_20110828

Së paku nëntë persona kanë humbur jetën në Karolinën e Veriut, Virxhina dhe Florida, si pasojë e aksidenteve me makinë, sulmeve në zemër dhe rrëzimit të pemëve.

(I plotësuar) - Uragani Ajrin (Irene) ka përfshirë Nju Jorkun, me erëra të ashpra dhe kërcënime për përmbytje.

Nju Jorku thuhet t’i ngjajë një qyteti fantazmë pasi më shumë se 370 mijë njerëz janë evakuuar, ndërsa transporti publik është ndërprerë tërësisht.

Zyrtarët në Nju Jork paralajmërojnë se rreziku më i madh vjen nga përmbytjet, të shkaktuara jo vetëm nga reshjet tropikale, por edhe nga baticat e larta të Oqeanit Atlantik. Presidenti amerikan Barak Obama, i cili ka ndërprerë pushimet e tij vjetore për shkak të fatkeqësisë, ka vizituar qendrën e operimeve të Agjencisë Federale të Emergjencave.

“Do të jetë një goditje e fortë”, ka thënë Obama gjatë një telekonference, ku kanë marrë pjesë zyrtarë të lartë federalë dhe agjenci të qeverisjes vendore. Ekspertët thonë se dëmi që mund të shkaktojë uragani Ajrin, mund të kapë vlerën e 12 miliardë dollarëve.

Uragani Irene raportohet ta ketë zvogëluar fuqinë dhe aktualisht renditet në kategorinë 1, që është shkalla minimale në tabelën prej 1 deri në 5. Megjithatë, ai konsiderohet ende me potencial rreziku.

Uraganet thuhet të jenë të rralla në verilindje të Shteteve të Bashkuara të Amerikës. I fundit që ka goditur Nju Jorkun ishte Gloria, më 1985, por këtë herë autoritetet thonë se janë më të përgatitura.

* * * * * * *

Uragani i është afruar Nju Jorkut

Uragani Irene i është afruar Nju Jorkut, me erëra të ashpra dhe kërcënime për përmbytje. Nju Jorku thuhet t’i ngjajë një qyteti fantazmë pasi më shumë se 370 mijë njerëz janë evakuuar, ndërsa transporti publik është ndërprerë tërësisht.

Kryetari Majkëll Bllumberg, në konferencën e fundit për media, tha se largimi nga stuhia nuk është më i mundur. “Në këtë moment, nëse ju nuk jeni evakuuar, sugjerimi ynë është të qëndroni aty ku jeni. Natyra është shumë më e fortë sesa ne”, ka thënë ai.

Së paku nëntë persona kanë humbur jetën në Karolinën e Veriut, Virxhina dhe Florida, si pasojë e aksidenteve me makinë, sulmeve në zemër dhe rrëzimit të pemëve.

Me kalimin e tij përgjatë bregdetit amerikan, uragani ka shkaktuar ndërprerjen e furnizimit me energji elektrike për më shumë se një milion njerëz, ka anuluar mbi tetë mijë fluturime dhe ka detyruar dy milionë njerëz të largohen nga shtëpitë – gjysma e tyre nga Nju Xhersi.

Uragani Irene godet Nju Jorkun Bildschirmfoto-2011-08-27-u

Forca e stuhisë

* * * * * * *

Uragani dëmton rëndë disa pjesë të SHBA-së

Uragani Irene po lë pas vete pasoja të rënda në bregdetin lindor të SHBA-së. Nga shirat, përmbytjet dhe era e fuqishme janë goditur në veçanti shtetet federale North Carolina dhe Virginia.

Nga rajonet e krizës njoftohet për të paktën nëntë persona të vdekur. Rreth një milionë familje kanë mbetur pa energji elektrike, ndërkohë që nga shtëpitë e tyre janë evakuuar miliona njerëz.

Vetëm nga Nju Jorku janë evakuuar rreth 370.000 njerëz. Trafiku i qytetit është ndërprerë, ndërsa aeroportet janë mbyllur.

Shoqatat e fluturimeve kanë anuluar rreth 9000 fluturime.

Presidenti amerikan Barack Obama ka vizituar qendrën e autoriteteve për mbrojtje nga katastrofat në Uashington dhe ka apeluar që amerikanët edhe në këto momente të jenë të fortë. Para nesh gjenden 72 orë të gjata, tha Obama.

Uragani Irene godet Nju Jorkun 206hBildschirmfoto

Zonat e evakuimit

>> Uragani Irene vazhdon lëvizjen drejt veriut, duke lënë deri tani 4 të vdekur >> Komente (32)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30