Media algjeriane: Familja e Moamar Gadafit është futur në Algjeri

nga **Agim Gashi** Mon Aug 29, 2011 10:37 pm

Media algjeriane: Familja e Moamar Gadafit është futur në Algjeri

Media algjeriane njofton se pjesëtarë të familjes së Moamar Gadafit hynë sot në Algjeri, ndërsa rebelët libianë vazhduan kërkimet për ish udhëheqësin libian.

Media algjeriane: Familja e Moamar Gadafit është futur në Algjeri Fam.gadafit

Media algjeriane: Familja e Moamar Gadafit është futur në Algjeri Fam.gadafit

Sipas Shërbimit Algjerian të Shtypit, Ministria e Jashtme njoftoi se bashkëshortja e Gadafit, vajza e tij si dhe dy prej djemve të tij me fëmijët e tyre mbërritën në Algjeri sot në mëngjes.

Në Libi, forcat rebele po i afrohen qytetit të lindjes së Moamar Gadafit, ndërsa vazhdojnë kërkimet për të pasi morën nën kontroll kryeqytetin e vendit.

Komandanti i rebelëve në Misrata tha se forcat e opozitës iu afruan qytetit 30 kilometra, i cili ndodhet 450 kilometra në lindje të Tripolit.

Një zëdhënës i rebelëve tha dje se forcat anti-qeveritare do ta marrin qytetin Sirte me forcë nëse negociatat me udhëheqësit fisnorë për dorëzimin e tij dështojnë.

Zoti Gadafi nuk është parë që kur rebelët morën nën kontroll Tripolin, dhe rajoni përreth qytetit Sirte konsiderohet si një zonë ku ai mund të stregohet.

Kreu i Këshillit Kombëtar Kalimtar të opozitës, Mustafa Jalil, tha se zoti Gadafi ende përbën kërcënim për Libinë dhe botën. Zoti Jalil bëri thirrje për vazhdimin e mbështetjes nga NATO-ja.

Ndërkohë, Franca tha se dërgoi sot një ekip në Tripoli për të rihapur ambasadën pas mbylljes së saj për 6 muaj, ndërsa rebelët luftonin për kontrollin e vendit.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30