Shatë të arrestuar për trafikim me qenie njerëzore

nga **Agim Gashi** Wed Sep 28, 2011 9:04 pm

Shatë të arrestuar për trafikim me qenie njerëzore

Në operacionin policor të koduar me emrin "Kroni" janë arrestuar shtatë persona të dyshuar dhe u identifikuan dy viktima të trafikimit.
Hetuesit policorë nga njësia kundër trafikimit në Prishtinë, pjesë e Drejtorisë për Hetimin e Trafikimit me Qenie Njerëzore (DHTQNJ), pas një pune hetimore dhe operative më 27 dhe 28.09.2011 në Prishtinë kanë arrestuar shtatë persona të dyshuar për kryerjen e veprës penale të trafikimit me qenie njerëzore, ndërsa në rastin në fjalë janë identifikuar dy viktima të trafikimit (femra të mitura sh/kosovare).

Gjatë hetimeve të rastit hetuesitë kanë arritur të sigurojnë prova dhe dëshmi se viktimat ishin trafikuar sistematikisht duke u detyruar të ofronin shërbime seksuale klientëve të ndryshëm në këmbim të të hollave.

Viktimat ishin mbajtur nën kontroll, dhe të dyshuarit kryesor kanë përfituar shuma të konsiderueshme materiale nga trafikimi i viktimave.

Të dyshuarit e tjerë të përfshirë në këtë rast janë bashkëpjesëmarrës në kryerjen e veprës penale të trafikimit me njerëz, përkatësisht në shfrytëzimin e viktimave.
Viktimat aktualisht janë strehuar dhe janë duke u trajtuar dhe mbrojtur sipas procedurave standarde nacionale për viktimat e trafikimit. Personat e arrestuar janë: Nurije D. (1978); Ramadan H. (1976); Driton B. (1988); E.D 1994; Ruzhdi A. (1969); Kastriot M. (1989); Dukagjin S. (1980), të gjithë shtetas kosovarë.

Personat e arrestuar me autorizim të prokurorit publik në Prishtinë u është caktuar masa e ndalimit policor prej 48 orësh.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30