Situata në veri nuk do të tolerohet

nga **Agim Gashi** Fri Oct 07, 2011 7:53 pm

Situata në veri nuk do të tolerohet

Komandanti i ri i KFOR-it, Erhard Drews në adresimin e parë medieve, ka insistuar që veriu të zgjidhjet nëpërmjet dialogut politik, mirëpo nuk përjashton mundësinë e intervenimit të KFOR-it.

Ai deklaroi se ditët në vazhdim KFOR-i do të bëjë stërvitje për t’u përgatitur për heqjen eventuale të barrikadave.

Drews nuk ka dhënë afat se kur do të mund të hiqen barrikadat, duke thënë se KFOR-i do të presë nëse serbët do t’i heqin vetë, ose nëse do të hiqen si rezultat i dialogut.

Ndërkohë që situata në veri vazhdon të jetë e tensionuar për shkak të kundërshtimit nga ana e serbëve të rebeluar ndaj vendosjes së doganierëve dhe policëve të Kosovës në pikat 1 dhe 31, kreu i KFOR-it është zotuar se misioni që ai drejton do të vazhdojë të sigurojë një ambient të qetë dhe të sigurt për të gjithë qytetarët e Kosovës, ashtu siç e ka bërë deri më tash.

Gjenerali gjerman ka thënë se KFOR-i do të jetë i aftë që të veprojë në çdo kohë, por nuk ka përcaktuar ndonjë afat kohor se kur do të bëhet largimi i barrikadave, duke preferuar më tepër që lidhur me këtë të ketë një zgjidhje me mjete paqësore.

“Qytetarët në veri janë duke e bllokuar vetveten dhe se barrikadat nuk janë demonstrim demokratik, por ilegal. Situata në veri nuk do të tolerohet në muajt e ardhshëm. Ne mendojmë të shkojmë atje dhe të përkrahim misionin tonë”, ka thënë gjenerali Drevs.

Sa i përket asaj se janë të sigurt banorët shqiptarë që jetojnë në veri, komandanti i KFOR-it ka thënë se misioni që ai drejton kanë aftësi dhe trupa të mjaftueshëm që të veprojnë atje.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30