Nën ethet e heqjes së barrikadave

nga **Agim Gashi** Mon Oct 17, 2011 8:11 pm

Nën ethet e heqjes së barrikadave

Veriu i Kosovës po i kalon 24 orët e radhës nën ethet e paralajmërimeve të KFOR-it për heqjen e barrikadave nëpër rrugë, të vendosura nga serbët lokalë, nën udhëheqjen e strukturave paralele.

Ndërsa KFOR-i është në pritje të reagimeve të serbëve për heqjen e barrikadave deri nesër, kur edhe skadon afati i shtyrë, përfaqësuesit e këtij komuniteti i kanë vazhduar konsultimet dhe përmes mediave lokale i kanë dërguar mesazhe tejet negative KFOR-it.

Zyrtarë të KFOR-it kanë deklaruar se forca paqeruajtëse e ka kumtuar tashmë vendimin e komandantit të KFOR-it, gjeneralit Erhard Drevs, i cili ka shtyrë kohën e konvojeve të KFOR-it për furnizimin e trupave të KFOR-it në pikat kufitare deri të martën, duke u dhënë kështu më shumë kohë qytetarëve të veriut të Kosovës në largimin e barrikadave rrugore.

“Nuk kemi se çka të shtojmë diçka të re me atë që është thënë në komunikatën e djeshme”, ka thënë zëdhënësi i KFOR-it, Uve Novicki.

“Përfaqësuesit e komunave të Leposaviqit, Mitrovicës veriore, Zubin Potokut dhe Zveçanit kanë kërkuar më shumë kohë dhe komandanti i KFOR-it ka vendosur t’u ofrojë atyre një ditë shtesë. Komandanti i KFOR-it vlerëson vullnetin e tyre për t’i hapur rrugët për furnizimin e trupave të KFOR-it në Pikën 1 (Jarinje), Pikën 31 (Bërnjak) dhe Kampin Nothing Hill”, thuhet në komunikatën e KFOR-it.

Ndërsa është në pritje të vendimeve të serbëve të veriut për heqjen e barrikadave, KFOR-i zotohet se misioni i forcës paqeruajtëse është ta ruajë një ambient të qetë dhe të sigurt, si dhe lirinë e lëvizjes për të gjithë njerëzit e të gjitha komuniteteve në Kosovë.

Policia e Kosovës konfirmon tubimin e rreth 500 personave në fshatin Zupç të Zubin Potokut. Në përpjekje të mbrojtjes së barrikadave nëpër rrugë, përfaqësuesit e serbëve kanë dërguar atje edhe fëmijë dhe të moshuar.
Zëdhënësi i Policisë rajonale për Mitrovicën, Besim Hoti, ka thënë se tubime të tilla të serbëve janë shënuar gjatë ditës në veri të Kosovës, ku janë përfshirë të gjitha kategoritë dhe moshat, në përpjekje për ruajtjen e barrikadave të vendosura.

“Besohet të jenë mbi 300 qytetarë që qëndrojnë pranë barrikadës në fshatin Zupç të komunës së Zubin Potok, me pretendimet e tyre për të mbrojtur atë barrikadë nga ndonjë intervenim i mundshëm nga EULEX-i dhe KFOR-it për largimin e saj. Ka prani të qytetarëve të të gjitha moshave - fëmijë, gra, persona të moshuar, të të gjitha kategorive”, ka thënë Hoti.

Ndërsa përfaqësues të serbëve nuk kanë janë prononcuar rreth hapave që do t’i ndërmarrin, ata gjatë ditës kanë zhvilluar takime të shumta në përpjekje të gjetjes së një zgjidhje.

>> KFOR-i :Heqja e barrikadave – deri të martën >> Komente (18)

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30