Serbët penguan Drewsin e Sparkesin të shkojnë

nga **Agim Gashi** Mon Oct 31, 2011 6:47 pm

Serbët penguan Drewsin e Sparkesin të shkojnë në Bërnjak

Serbët penguan Drewsin e Sparkesin të shkojnë Penguan_Drewsin

Komandanti i KFOR-it, Erhard Drews, ka provuar sot në mesditë që me autokolonën ku kishte edhe pjesëtarë të EULEX-it, të kalojë përmes Zupçit për të shkuar në pikëkalimin kufitar në Bërnjak. Por, ai u kthye drejt pjesës jugore të Mitrovicës, pasi që serbët nuk e kanë lejuar kalimin e EULEX-it.

Me komandant i KFOR-it ishte edhe zëvendësshefi i EULEX-it, Andy Sparkes. Serbët, raporton Tanjug, ishin të gatshëm ta lejojnë kalimin e KFOR-it, por jo edhe të EULEX-it.

Drews ka biseduar për rreth 15 minuta me nënkryetarin e komunës paralele të Zubin-Potokut, Srdan Duroviq, në tentimin që të bindet popullata që pos KFOR-it të lejohet edhe kalimi i stafit të EULEX-it, njofton Telegrafi.

Duroviq ka thënë se automjetin e EULEX-it nuk mund ta lejojnë të kalojë para se “ky mision të distancohet nga institucionet e Kosovës dhe të veprojë neutral”.

Drews edhe më këtë rast ka kërkuar liri qarkullimi për të gjithë përfaqësuesit e misioneve ndërkombëtare në Kosovë.

“Kjo është diçka që edhe ne e duam, por pa praninë e institucioneve të Prishtinës në veriun e Kosovës”, ka thënë Duroviq.

Lajmi se në drejtim të Zupçit është drejtuar edhe EULEX-i, ka bërë që serbët të mblidhen edhe te ura kryesore e Ibrit, në pjesën veriore të Mitrovicës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30