Dita e dytë pa marrëveshje të re

nga **Agim Gashi** Tue Nov 22, 2011 10:00 pm

Dita e dytë pa marrëveshje të re

Dita e dytë e raundit të fundit të dialogut teknik midis Prishtinës dhe Beogradit në Bruksel, ka përfunduar pa marrëveshje të re.

Shefja e ekipit negociues kosovarë, Edita Tahiri, ka konfirmuar se ka pasur konvergjencë të qëndrimeve për përfaqësimin rajonal të Kosovës, por ka vënë në dukje se në mes Prishtinës dhe Beogradit, ka ende ”dallime të thella konceptuale”.

Ajo, ka deklaruar se është e zhgënjyer që, përveç diplomës, nuk ka marrëveshje për çështje të tjera të diskutueshme, si energjia elektrike dhe telekomunikimi.

Tahiri, ka akuzuar Beogradin se nuk po i përmbush marrëveshjet e arritura më parë.

Kurse, shefi i ekipit negociues serbe, Borisllav Stefanoviq, ka theksuar se përkundër të gjithave, ky raund i dialogut mund të vlerësohet pozitivisht për shkak të marrëveshjes së djeshme për diplomat.

Sipas tij, raundi është pozitiv edhe për faktin se të dyja palët, kanë pasur mundësinë për të shprehur pikëpamjet për çështje madhore.

Bashkimi Evropian, përmes një komunikate për media, ka konfirmuar arritjen e marrëveshjes për diplomat, dhe e ka vlerësuar pozitivisht ecurinë e takimit mes Prishtinës dhe Beogradit.

“Duke marrë parasysh marrëveshjen e arritur në parim me 2 korrik, dy palët janë diakorduar që të kërkohet nga Asociacioni i Universitetit Europian për të certifikuar diplomat të lëshuara nga universitetet e secilës palë për përdorim nga pala tjetër në lidhje me edukimin e mëtejmë ose për punësim publik”, thuhet në komunikatën e BE-së.

Dita e dytë pa marrëveshje të re Bs-8FA5-85A3DA6

Dita e dytë pa marrëveshje të re Bs-8FA5-85A3DA6

Sipas komunikatës, palët kanë arritur progres edhe për çështjen e përfaqësimit të Kosovës në forumet rajonale.

“Ka pasur pajtueshmëri që palët t’i kthehen kësaj çështjeje në takimin e tyre të radhës me synimin që të arrihet marrëveshje në kontekst të strategjisë së përgjithshme të BE-së për rajonin”, thuhet në komunikatë.

BE-ja ka bërë të ditur se delegacionet kanë biseduar edhe çështjen e menaxhimit të integruar të kufijve.

“Në këtë kontekst koncepti i Menaxhimit të Integruar të Kufirit është diskutuar si një mënyrë për të gjetur një zgjidhje europiane në pikëkalime”, thuhet në komunikatë.

Poashtu në deklaratë, thuhet se është arritur progres nga grupet punuese për regjistrat civilë dhe lëvizjen e lirë – për të cilat palët janë dakorduar në takimet e kaluara.

Takimi i radhës pritet të mbahet para fundit të këtij muaji.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30