Policia austriake besohet se ka arrestuar Sinan Morinën

nga **Agim Gashi** Tue Nov 22, 2011 10:03 pm

Policia austriake besohet se ka arrestuar Sinan Morinën

Bota sot - Vjenë, 22 nëntor

Policia austriake besohet se ka arrestuar Sinan Morinën Arrestimi

(I plotësuar) - Burime të gazetës “Bota sot’ bëjnë të ditur se shqiptari i arrestuar nga policia austriake besohet të jetë Sinan Morina, nga një fshat i komunës së Rahovecit. Sinan Morina është arrestuar edhe më herët me fletarrest serb, por duket se emri i tij edhe më tutje figuron në listën e të kërkuarve nga Interpoli me fletarrest. Ai ka qenë lufttar i UÇK-së dhe është dënuar nga një gjykatë serbe me disa vjet burg.
-----

Policia austriake ka kapur një shtetas 39 vjeçar të Kosovës, të cilin organet serbe e kanë dënuar për krime lufte me 40 vjet burg. Personi ishte duke udhëtuar me një autobus të linjës nga Sllovenia në drejtim të Gjermanisë, njofton portali i televizionit publik austriak orf.at.

Sipas njoftimit të policisë, shqiptari u zu gjatë një kontrolli rutinor të autobusit në autostradën A10 në Weisenstein. Pasi i shikojnë dokumentacionin, policët konstatojnë se bëhej fjalë për personin e kërkuar me fletarrest ndërkombëtar të lëshuar nga Serbia. Personi i zënë është dërguar tashmë në burgun për deportim, njofton orf.at.

Në ndërkohë Redaksia e “Botës sot” ka kontaktuar Ambasadën e Kosovës në Austri por ata nuk kanë bërë të njohur identitetin e të arrestuarit.

Ata kanë thënë se janë në dijeni për identitetin e të arrestuarit por nuk mund të bëjnë publik emrin e tij para se autoritetet austriake të bëjnë njoftimin zyrtar.

Redaksia po ashtu ka kontaktuar Policinë e Kosovës të cilët po ashtu kanë thënë se nuk janë të njoftuar për identitetin e të arrestuarit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30