Mentor Thaqi:URIME RILINDJA E FLAMURIT, KOMBI IM!

nga **Agim Gashi** Mon Nov 28, 2011 2:05 am

Krejt t´zakonshëm një urim,
por, i nxjerrë nga thellësi zemre,
t´përgëzoj sot, Kombi im,
n´majëpene e n´vargje kënge!

N´jatë Flamur që e mbanë n´ballë,
i ka rreth pesëmijëetreqind vjet,
ndër t´parët n´Botë, Flamur i rrallë,
u ruajt me shum gjak e me shum jetë!

Kuq e Zi, një Histori e gjatë në vete,
dykrenore Shqipja jonë, Legjendë,
Simbol Shënjtërie, një rrëfim jete,
për Mëmmën Arbëri, k´të Zonjë të Rëndë!

Vjeshtë e vonë, që sjellë zymtësi,
fund Nëntori i të dymbëdhjetës,
për ne shqiptarët, valë-ngrohtësi,
na riktheu Flamurin për jetë të jetës!

Shekujve me radhë, brezat u kujdesën,
për trashëgim qoftë edhe fshehtas,
pa e humbur kurrnjëherë kujtesën,
që një ditë Flamuri, t´shpaloset befas!

Porosia e trashëguar n´tregim me gojë,
gjyshi nipit, babai të birit, nipi stërnipit,
një Legjendë e gjallë e shenjtë, buloi,
nga gjak-zemre, në thellësi të shpirtit!

Kemi një Flamur që aq shum na flet,
me gjuhë gjaku e plot kuptim jete,
të valoj i lirë, i madhërishëm, i gjallë përjetë,
i ri si para pesëmijëetreqind vjete!

Epo, Urime dhe Gëzuar i dashur Kombi im,
Pavarësia dhe Rilindja e Flamurit!
Një Histori e jona, e gjatë në trashëgim,
e shkruar në zemra dhe në Palcë të Gurit!

Mentor Thaqi VS., 27.11.2011

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30