PS, e vetmja seli, ku s'vendoset Flamuri Kombëtar për 28 nëntorin

nga **Agim Gashi** Tue Nov 29, 2011 6:07 pm

PS, e vetmja seli, ku s'vendoset Flamuri Kombëtar për 28 nëntorin

Dje, në 99-vjetorin e Pavarësisë, në selinë e Partisë Socialiste përveçse një flamur të pluhurosur prej vitesh, ndoshta që në kohët kur PS-në nuk e drejtonte Edi Rama, syri nuk të zinte asnjë dekorim kuq e zi. Në 11 vite të tij, në Bashkinë e Tiranës, Rama e ka pritur festën e Pavarësisë pa asnjë zbukurim apo dekor. Me lënien e Tiranës si jetime në festën kombëtare, Rama po përgatiste përjashtimin e kryeqytetasve nga festa me një akt fund e krye poshtërues për kryeqendrën e vendit. Mungesa e zbukurimeve ndalonte në mënyrë indirekte çdo lloj veprimtarie festive, duke e përjashtuar Tiranën nga çdo lloj dekorimi e zbukurimi për festën e mbarë shqiptarëve. Me mungesën e dokoreve kuqe e zi, Rama ofendoi për 11 vjet me radhë kryeqytetasit, kryeqytetin dhe mbarë vendin e kombin. Dita e nderimit më të thellë për atdhetarët e kombin shqiptar, e gjeti Tiranën në këto vite, jo në festë, por në zi. Të gjitha institucionet publike detyrohen të vendosin flamurin kombëtar në mjediset e tyre të brendshme dhe të jashtme. Në këto institucione ndalohet ngritja ose vendosja e flamurëve të huaj, me përjashtim të rasteve të pritjeve ose të ceremonive protokollare dhe të solemniteteve të tjera, të parashikuara në ligj, por gjithmonë të shoqëruara nga flamuri kombëtar. Dje, në 99-vjetorin e Pavarësisë fasadat e institucioneve publike dhe ato të pallateve, rrugëve dhe shesheve kudo ku jetojnë shqiptarë dallonin për ngjyrën e flamurit, nga e kuqja dhe e zeza! Për t'u vlerësuar ishte fakti, se në të gjitha institucionet kosovare, flamuri që u valvit në këtë ditë festive ishte ai kombetar dhe jo shtetëror. Gjithashtu, edhe në Maqedoni gati në të gjitha komunat e banuara me shqiptarë janë valvitur dekore flamujsh kuq e zi. Institucionet shqiptare sikundër e panë mijërë qytetarë të ardhur nga të gjitha trojet ishin zbukuruar me flamuj kombëtarë. Selia e Partisë Demokratike, Godina e Këshillit të Ministrave, Kuvendi, Bashkia e Tiranës, godinat e ministrive, institucionet kulturore, ishin zbukuruar në këtë ditë nga flamujt kombëtarë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30