Serbia nuk merr statusin e kandidatit – kusht Kosova

nga **Agim Gashi** Fri Dec 09, 2011 8:57 pm

Serbia nuk merr statusin e kandidatit – kusht Kosova

Presidenti i Këshillit Evropian, Herman Van Rompuj, tha se liderët e BE-së kanë vendosur të shtyjnë dhënien e statusit të kandidatit për Serbinë deri në samitin e ardhshëm.

Serbia nuk ka marrë statusin e kandidatit për në BE . Këshilli Evropian ka vendosur që Serbia të mos e marrë statusin e kandidatit për Bashkimin Evropian dhe që ky status t’i jepet eventualisht në marsin e vitit të ardhshëm me kusht që të arrijë rezultate në dialog me Kosovën dhe të ndihmojë në lëvizjen e lirë të EULEX-it e të KFOR –it.

Fillimisht, një vendim i tillë është pritur të merret në takimin e sotëm, por, sipas raporteve të mediave, të cilat citojnë një draft-deklaratë nga samiti, thuhet se vendimi për statusin e vendit kandidat për Serbinë është shtyrë për të paktën në mars të vitit të ardhshëm, përkatësisht në samitin e radhës së BE-së.

Presidenti i Këshillit Evropian, Herman Van Rompuj, tha se liderët e BE-së kanë vendosur të shtyjnë dhënien e statusit të kandidatit për Serbinë deri në samitin e ardhshëm.

“Ne do të vazhdojmë që të vlerësojmë situatën... me qëllimin e qartë që t’ia japim Serbisë statusin e vendit kandidat”, citon Van Rompujn agjencia e lajmeve Associated Press.

Rompuj kërkoi nga Beogradi normalizimin e marrëdhënieve me Kosovën, e cila shpalli pavarësinë në vitin 2008.

Serbia kishte pritje të mëdha për marrjen e këtij statusi, pas ekstradimit të disa të dyshuarve për krime lufte në fillim të këtij viti. Por, shpërthimi i dhunës në veriun e Kosovës, ku radikalët në mes të minoritetit serb bllokuan rrugët dhe u përplasën me paqeruajtësit e NATO-s, duket se ka lënë pezull dhënien e këtij statusi, shkruan AP.

“Liderët e BE-së janë shumë më të zënë me krizën e euros, sesa të humbin kohë duke diskutuar statusin e Serbisë”, citon AP një zyrtar që ka folur në kushte anonimiteti.

Van Rompuj tha se liderët e BE-së kanë vendosur që Mali i Zi të hapë negociatat e anëtarësimit në qershorin e ardhshëm, nën kushtet që ky shtet do të vazhdojë luftën kundër krimit të organizuar dhe korrupsionit. Mali i Zi ka marrë statusin e kandidatit në vitin e kaluar. (a.i.)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30