AKB-ja prezanton Kosovën në Forumin e Parë Ndërkombëtar të Bizneseve

nga **Agim Gashi** Mon Dec 12, 2011 10:55 pm

AKB-ja prezanton Kosovën në Forumin e Parë Ndërkombëtar të Bizneseve

Prishtinë, 12 Dhjetor 2011 Kosovapress

AKB-ja prezanton Kosovën në Forumin e Parë Ndërkombëtar të Bizneseve Gallery_left_hover

AKB-ja prezanton Kosovën në Forumin e Parë Ndërkombëtar të Bizneseve Gallery_right_hover

Me sloganin “Kosova shtet i artë”, Aleanca Kosovare e Biznesit (AKB) do ta prezantojë shtetit e Kosovës në Forumin e Parë Ndërkombëtar të Bizneseve, që do të mbahet më 14 dhjetor në Shkup të Maqedonisë, ku do të marrin pjesë klube biznesore shqiptare, maqedonase, izraelite si dhe boshnjake. AKB-ja e sheh këtë konferencë si një mundësi të mirë për t’i promovuar para donatorëve të huaj vlerat dhe pasuritë që i ka Kosova, si në aspektin ekonomik, politik dhe të diplomacisë.

Kryetari i Aleancës Kosovarë të Bizneseve, Agim Shahini gjatë një konference për media tha se Forumi Ndërkombëtar do të shfrytëzohet me qëllim që të rritet vlera e resurseve që ka Kosova, por edhe rritjes së shkëmbimit tregtar me vendet e tjera, në mënyrë që të ulet deficiti i madh tregtar i vendit tonë.

“Kosova, shtet i artë”, me këtë slogan do të prezantohet Kosova në Forumin e Parë Ndërkombëtar që organizohet nga Aleanca Kosovare e Biznesit, Klubi maqedonas-izraelit, Këshilli i Agrobiznesit Shqiptar dhe Oda Ekonomike e Bosnjës, më 14 dhjetor në Shkup, me qëllim të rritjes së bashkëpunimit dhe rritjes së vlerave të shteteve tona dhe rritjes së shkëmbimeve tregtare, duke tentuar që Kosova ta ulë deficitin tregtar të cilin e ka të madh. Dhe kjo do të jetë një tentim që Kosova të promovojë të gjitha vlerat ekonomike, politike dhe në sferat diplomatike që Kosova është duke ec drejt integrimeve Evropiane”, ka thënë ai.

Forumi për Shahinin ka edhe një vlerë tjetër, ngase aty marrin pjesë edhe dy shtete që nuk e kanë pranuar shtetin e Kosovës. Sipas tij, kjo është edhe një mundësi për t’i bindur të gjitha shtetet që nuk e kanë njohur Kosovën se ajo dalëngadalë po i përmbushë të gjitha obligimet dhe kushtet që i ka.

Shahini thotë se do të përqendrohen në resurset e minierave dhe mineraleve që ka Kosova, si dhe ka përmendur edhe prezantimin e pakos së re fiskale që pritet të hyjë në fuqi që nga 1 janari i vitit të ardhshëm.

Mirëpo, i pyetur nga Kosovapress se a do të thotë që AKB-ja pajtohet me këtë pako të re fiskale, meqë atë edhe do ta prezantojë në konferencë, Shahini tha se vërejtjet e brendshme do t’i lënë këtu në Kosovë, ndërsa jashtë saj atë do ta përfaqësojmë me vlerat e saj që i ka.

“Vërejtjet ne do t’i lëmë brenda, kurse jashtë Kosovës ne do të jemi unik, si shtet i pajtuar me politikat e brendshme dhe me politika ndërkombëtare. Prandaj ne atje do t’i promovojmë vetëm vlerat reale, vlerat e arta që i ka shteti i Kosovës dhe me këtë do të tentojmë ta joshim investitorin e huaj që të vjen në Kosovë dhe të rrisim investimet e huaja”, ka thënë ai.

Ai ka bërë të ditur se Aleanca atje do të jetë e pranishme me 40 biznese të Kosovës, ku pritet të marrin pjesë mëse 150 biznese dhe 400 pjesëmarrës të shteteve të ndryshme.

Kreu i AKB-së, shtoi se rezultatet e takimeve ndërkombëtare vitin e kaluar kanë shtuar eksportin me vendet regjionale, edhe pse ka thënë se ende mbetet shumë për t’u bërë në drejtimin e vlerave të shtetit të Kosovës. Për më tepër, Forumi i Parë i Biznesit do të mbahet më 14 dhjetor në Shkup të Maqedonisë, ku do të marrin pjesë grupe biznesesh nga Kosova, Maqedonia, Bosnja dhe Izraeli./Kosovapress/

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30