EULEX-i nuk i arreston sulmuesit e identifikuar nga KFOR-i

nga **Agim Gashi** Wed Dec 14, 2011 4:34 pm

EULEX-i nuk i arreston sulmuesit e identifikuar nga KFOR-i

EULEX-i po rrezikon të humbë mbështetjen e partnerit më të madh në Kosovë, KFOR-it, për shkak të mosndërmarrjes së masave për kapjen e serbëve, të cilët i ka identifikuar vetë KFOR-i si persona që ia kanë sulmuar ushtarët në veri.

Forca e NATO-s në Kosovë ka kohë që i ka dhënë EULEX-it video-materiale për tri sulme të ndryshme që, sipas komandantit të paqeruajtësve, janë organizuar nga Zvonko Veselinoviq, vëllai i tij, dhe dy serbë të tjerë. Por, ndonëse sulmi i parë ka ndodhur më 27 korrik të këtij viti, hetuesit e EULEX-it nuk kanë arritur të bënin asnjë hap në kapjen e tij. Si rezultat as Prokuroria Speciale e Republikës së Kosovës e as Task Forca e EULEX-it për veriun nuk kanë nisur hetim zyrtar për Zvonkon, të paktën jo për sulmet ndaj ushtarëve KFOR-it.

Krejt çka ka ndodhur, sipas zyrtarëve të këtij misioni, është elaborimi i materialit të dhënë nga KFOR-i dhe disa punë të vogla policore, por pa arritur që hetimin ta zyrtarizojnë.

Këta zyrtarë që kanë dashur të mbesnin anonimë kanë shpjeguar se pamundësia e EULEX-it i ka ardhur në “majë të hundës” vetë komandantit të KFOR-it. Ai të hënën ka shpërthyer në takimin me gazetarët serbë, ku nuk ka ngurruar të tregojë se Zvonko Veselinoviq qëndron prapa sulmeve.

Zëdhënësit e KFOR-it nuk kanë dashur që të martën të komentonin deklaratat e komandantit të tyre.

“Ne mund të konfirmojmë atë që e ka thënë komandanti, por nuk do të komentojmë për momentin deklaratat”, ka thënë zëdhënësi i KFOR-it, Frank Martin.

Por EULEX-i në mënyrë indirekte ka konfirmuar se nuk ka hetim për sulmet ndaj ushtarëve.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30