Incidente gjatë aktiviteteve të Vetëvendosjes

nga **Agim Gashi** Thu Dec 15, 2011 10:02 pm

Incidente gjatë aktiviteteve të Vetëvendosjes

Denoncimi nga aktivistët e Lëvizjes Vetëvendosje! të keqpërdorimeve nga pushteti vendor ka shkaktuar sot panik e tension në radhët e pushtetarëve lokalë e mbështetësve të tyre, njofton shërbimi për informim i Lëvizjes Vetëvendosje!.

Gjatë zhvillimit të këtyre aktiviteteve në disa komuna ka pasur raste të presionit, fyerjeve dhe kërcënimeve serioze nga zyrtarët e komunave, strukturave formale e informale të pushtetit dhe nga zyrtarë të policisë.

Sipas njoftimit, pushtetarët e komunës së Drenasit, duke e parë interesimin e madh të qytetarëve për ta vizituar ekspozitën e Vetëvendosjes, organizuan disa persona për të ndërprerë ekspozitën.

Katër persona, njëri nga ta i vëllai i truprojës së Hashim Thaçit, Bashkim Demiçi, sulmuan në mënyrë brutale kryetarin e Qendrës së Lëvizjes Vetëvendosje!, Petrit Bajraktarin, dhe aktivistë të tjerë. Përveç kësaj këta persona të afërt më pushtetarët e komunës i demoluan të gjitha fotografitë që ishin në ekspozitë.

Azbi Gashi, aktivist i Lëvizjes Vetëvendosje! në Rahovec, ka deklaruar se pas hapjes së ekspozitës, e ka telefonuar një zyrtar komunal dhe ka kërkuar më këmbëngulësi që të takohemi.

“Jam takuar me Ymret Reshitin. Ai ka kërkuar që ta ndërpresim ekspozitën, por unë kam refuzuar. Më vonë kanë ardhur edhe zyrtarë të tjerë komunalë, për të parë se çfarë foto kemi ekspozuar”, ka sqaruar ai.

Gjithnjë sipas deklaratës së tij, që njofton Lëvizja Vetëvendosje! në komunikatën e saj, njëri ndër ta ka qenë Isak Hoti, i cili ka kërkuar me çdo kusht që të ndërpritet ekspozita, dhe ka filluar me kërcënime të tilla si:

“Unë i hjeku edhe i shkyej këto foto, unë të lidhi për kerri edhe të ngrehu zhag nëpër qytet. A e din se edhe të vras, di edhe me të shti në valle...”. Ky ka vazhduar me fyerje e sharje banale dhe e ka mbyllur në fund me atë se “..e sheh se kush jam unë”.

Gjatë aktivitetit “Mandati i fundit” në Vushtrri, disa policë kanë shkuar pranë ekspozitës dhe ua kanë marrë letërnjoftimet aktivistëve, në mënyrë që ta pengojnë zhvillimin e këtij aktiviteti, thekson komunikata e Lëvizjes Vetëvendosjes!.

Një patrullë e ShPK-së ka kërkuar letërnjoftimin e sekretarit organizativ, Sheremet Halili e më pas i kërkoi dhe shënimet e vendbanimit. Togeri i policisë, i ka thënë atij se nuk është kërkuar leje për ekspozitën. Pas përgjigjes që vërtetonte të kundërtën e pretendimit të togerit, ky i fundit i është drejtuar me këto fjalë: Ti je ai që i ke zhvendosur flamujt më 28 Nëntor? Ende s’të kemi ngritur padi për atë çështje.

Sipas Lëvizjes Vetëvendosje! presione ka pasur edhe në Dradanë.

Tre punëtorë të administratës komunale kanë shkuar në vendin ku po mbahej ekspozita dhe kanë provokuar aktivistët e qytetarët. Njëri prej tyre, Refik Berisha (referent), ka grisur një pano në të cilën paraqitej një projekt i ujësjellësit në fshatin Koretin, i cili ende nuk është përfunduar edhe pse ka katër vjet që mbi 300.000 euro janë dhënë për të. Mësohet se zyrtari komunal ishte nga radhët e LDK-së.

Ndërkaq, në Klinë, derisa aktivistët po vendosnin fotografitë e ekspozitës, vjen një veturë me policë, të cilët pyesin nëse kishte leje për këtë aktivitetet o. “Pavarësisht përgjigjes së aktivistëve se është njoftuar policia dhe komuna me kohë, ata na fotografuan dhe u larguan. Pas më pak 30 minuta të njëjtën policë u rikthyen dhe fotografuan vendin nga janë vendosur fotografitë dhe u deklaruan se: ‘Nuk ban m’i vendos’ fotografitë”, thuhet në komunikatë. Ndërkohë kërkuan të hiqet tavolina e regjistrimeve, meqë “nuk qenka e lejuar që të kryhen aktivitete politike në rrugë”.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30