Pacolli: Asnjë emër nga AKR nuk përflitet për korrupsion

nga **Agim Gashi** Sun Dec 25, 2011 12:54 am

Pacolli: Asnjë emër nga AKR nuk përflitet për korrupsion

“Pos 13 njohjeve që kanë ardhur drejtpërdrejt me angazhimin tim prej se jam në Qeveri, janë edhe dhjetëra njohje për të cilat është punuar shumë dhe i presim të vijnë shumë shpejt”, ka thënë Pacolli.

Kryetari i Aleancës Kosova e re, Behgjet Pacolli ka mbledhur sot të gjithë anëtarët e kësaj partie, para të cilëve ka folur për suksesin e punës gjatë vitit 2011. Pacolli ka premtuar se viti i ardhshëm do të shënohet edhe shumë njohje të reja.

Kryetari i Aleanca Kosova e Re, Bexhet Pacolli, falënderon ministrat nga radhët e partisë dhe koalicionit të tij, duke thënë se asnjë emër që vjen nga AKR-ja, nuk përflitet për skandal apo për korrupsion.

Në takimin e mbajtur me anëtarë të kësaj partie, ai ka folur edhe për punën e tij, lobimin që ka bërë në vendet e tjera për njohje të Kosovës. Ndër to ka veçuar turnet në Afrikë, që, sipas Pacollit, rrënjësisht ka ndryshuar mendime të shumë shteteve që ishin kundër pavarësisë së Kosovës.

Po ashtu, Pacolli ka përmendur edhe Gabonin, që sipas tij, ishte kundërshtar i fortë i pavarësisë, por vizitat në këtë shtet kanë bërë që ky qëndrim të ndërrojë rrënjësisht. Ai tha që edhe 13 njohjet që kanë ardhur këtë vit, janë meritë e punës së tij.

“Pos këtyre 13 njohjeve që kanë ardhur drejtpërdrejt me angazhimin tim prej se jam në Qeveri, janë edhe dhjetëra njohje për të cilat është punuar shumë dhe i presim të vijnë shumë shpejt”, ka thënë Pacolli.

Të gjitha lobimet ka thënë ai, i ka bërë me financa të veta, duke kursyer buxhetin e Kosovës. Ndonëse nuk përmendi nëse do të kandidojë apo jo për President.

Kreu i AKR-së tha se insistimi i tij ka bërë që në Kosovë të bëhen ndryshimet kushtetuese dhe që në zgjedhjet e ardhshme Presidenti të zgjidhet drejtpërdrejt nga populli.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30