Muja së shpejti në gjykim për korrupsion

nga **Agim Gashi** Wed Jul 31, 2013 4:28 pm

Gjykata e Apelit e Kosovës ka refuzuar kërkesën për hedhjen poshtë të vendimit të Themelores në Prizren për konfirmimin e aktakuzës, ndaj Kryetarit të Prizrenit Ramadan Muja dhe pesë zyrtarë të tjerë, për korrupsion.
Vendimi iu është dorëzuar në formë të shkruar sot palëve në proces. Këtë e konfirmoi për Express edhe mbrojtësi i Kryetarit komunal nga radhët e PDK’së, avokati Ruzhdi Berisha.
“Ne kemi bërë ankesë kundër vendimit të Gjykatës së shkallës së parë, me që rast është refuzuar kërkesa jonë për hedhjen poshtë të aktakuzës. Sot kemi marrë vendimin Gjykatës së Apelit ku thuhet se janë refuzuar ankesat e palës mbrojtëse”, tha avokati Berisha.
Ai tha se ende janë në pritje të caktimit të datës për gjykimin ndaj Mujës dhe të akuzuarve të tjerë, që të gjithë zyrtarë komunal.
“Ende nuk është caktuar data, presim tash derisa gjykata të na lajmërojë për datën e gjykimit”, tha Berisha për Express.
Derisa nuk ka dashur të komentojë vendimin e Apelit për refuzimin e kërkesës së mbrojtjes.
Mbi Kryetarin e Prizrenit rëndon një aktakuzë 21 faqëshe, e me të cilën ai dhe Sadik Paçarizi – drejtor i Urbanizmit dhe Planifikimit Hapësinor, Avni Ademaj – ish-u.d. së drejtorit të Gjeodezisë dhe Kadastrës, Kadri Ukimeri – ish-drejtor i Gjeodezisë dhe Kadastrës, Abdullah Tejeci – drejtor aktual i Gjeodezisë dhe Kadastrës dhe Minir Krasniqi – drejtor i Administratës, akuzohen për shpërdorim të pozitës zyrtare në dhënien e disa pronave shoqërore në shfrytëzim për disa kompani, me qëllim të përfitimit personal.
Kohë më parë Gjyqtari i procedurës paraprake, Vladimir Nikula ka aprovuar kërkesën e Prokurores që po udhëheq ndjekjen penale, Natasha Vikeri për konfiskimin e dokumenteve të udhëtimit të të pandehurve.

- See more at: http://prizrenpress.com/lajme/muja-se-shpejti-ne-gjykim-per-korrupsion/#sthash.V7zTT3oe.dpuf

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30