Sejdiu e sheh me rrezik “LDK-në e re” të Mustafës

nga **Agim Gashi** Tue Dec 27, 2011 8:41 pm

Sejdiu e sheh me rrezik “LDK-në e re” të Mustafës

Fatmir Sejdiu

Prishtinë, 26 dhjetor – Ish-presidenti i Kosovës, Fatmir Sejdiu, që dikur ishte edhe kryetar i Lidhjes Demokratike të Kosovës, e tani mbetet “Kryetar Nderi” i kësaj partie, druan se shtëpia e tij politike me traditë 22-vjeçare mund të dëmtohet nga tendencat e një pjese të lidershipit të saj, për t’i lënë jashtë strukturave partiake shumë njerëz që kanë punuar për LDK-në në kohë të vështira. Ai është i bindur se ndërtimi i një “LDK-je të re”, të mbështetur në parimin e seleksionimit e jo të afrimit të anëtarëve të saj, do të përcillet me pasoja. Gjëja e parë që LDK-ja, sipas tij, tashmë do të duhej ta kishte bërë, është definimi i pozicionit të saj politik: nëse është opozitë apo pozitë. Për të, LDK-ja nën udhëheqje të Mustafës, deri tash ka dëshmuar vetëm një jostabilitet në marrjen e vendimeve dhe në bërjen e deklarimeve politike.

Politikani që u largua nga Presidenca, për shkak se kishte bërë shkelje kushtetuese, që kishte mbajtur edhe postin e kryetarit të partisë, nuk ndihet përgjegjës për ngecjet e shtetit që mund të jenë bërë si pasojë e krizës institucionale që u shkaktua me rastin e dorëheqjes së tij. Sejdiu, në intervistën për “Kohën Ditore”, nuk e mohon se në të kaluarën ka pasur ndërmjetës me reputacion, që kanë dashur t’i bëjnë bashkë “rugovistët”, por që kanë dështuar, pa fajin e tij.

Pjesën e parë të intervistës me ish –presidentin e Republikës së Kosovës, Fatir Sejdiun, mund ta lexoni sot në “Koha Ditore” .

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30