Veprimtari Halit Barani pesimist për të ardhmen e Mitrovicës

nga **Agim Gashi** Thu Jan 05, 2012 9:01 pm

Veprimtari Halit Barani pesimist për të ardhmen e Mitrovicës

Halit Barani veprimtar i KMDLNJ-së në Mitrovicë

Mbesin barrikadat

Barrikadat do të mbesin aty deri në momentin kur kjo i konvenon Serbisë. Mu për këtë, jam shumë pesimist sa i përket ndryshimit pozitiv të gjendjes në veri të qytetit

Ndonëse muajve të fundit ka mbretëruar një gjendje më e relaksuar, me më pak tensione dhe më pak incidente të shënuara, kjo nuk ka qenë e mjaftueshme për qytetarët e Mitrovicës që zhvillimet gjatë vitit që e lamë pas të vlerësohen pozitivisht, e as që të jen optimist se zhvillimet gjatë viti 2012 do të jenë të tilla, çfarë at i dëhirojnë. Si duket, në këtë ka ndikuar aktiviteti i strukturave paralele jolegale dhe joligjore serbe, që me veprimet e tyre agresive e të papara deri tash, siç ishin vrasje e policit Enver Zymberi barrikadat e vendosura në të gjitha pikat kyçe që çojnë në veriun e qytetit të Mitrovicës dhe tutje më thellë në veri të vendit.

Asgjë nuk është bërë për integrimin e Mitrovicës

Ky veprim jonjerëzor i strukturave paralele serbe, i mbështetur nga Qeveria e Serbisë, ka bërë që qytetarët e Mitrovicës të humbin pothuaj plotësisht besimin edhe tek EULEX-i, duke e krahasuar atë madje me UNMIK-un, kur është fjala për qëndrimin ndaj këtyre strukturave dhe zhvillimeve në veri të vendit. Kështu mendon edhe veprimtari i palodhur i çështjes kombëtare dhe mbrojtjes të drejtave dhe lirive të njeriut në rajonin e Mitrovicës, Halit Barani, i cili ka thënë se viti i kaluar në Mitrovicë dhe përgjithësisht në veri të vendit, ka kaluar ashtu si kanë diktuar të tjerët, duke menduar këtu para së gjithash në shtetin e Serbisë dhe tek një pjesë e institucioneve ndërkombëtare dhe atyre të vendit, por assesi jo ashtu sikur kanë dashur qytetarët e Kosovës.
“Gjatë viti që shkoi, asgjë nuk është bërë në integrimin e qytetit. Mosreagimi me kohë dhe si duhet i institucioneve të vendit dhe atyre ndërkombëtare, ishte me pasoja për interesat e vendit. Madje, kanë dështuar edhe përpjekjet e atyre që donin të formonin komunën e re serbe në veri të qytetit, ndërkohë që janë forcuar dhe institucionalizuar strukturat paralele, përkatësisht qëllimet për ndarjen definitive të qytetit”, ka thënë Barani. Ai këtë e fakton me vendosjen e barrikadave në të gjitha hyrjet e pjesës veriore të qytetit, duke shtuar njëkohësisht, se ato ishin vendosur me urdhër nga Beogradi dhe kishin disa qëllime.
“Qëllimi i parë ishte që të pengohet lëvizja dhe qarkullimi i lirë në veri të Mitrovicës dhe të vendit. Qëllimi i dytë ishte qetë shihet reagimi i ndërkombëtarëve, se a janë ata të vendosur që të ballafaqohen me këtë sfidë apo jo. Dhe qëllimi i tretë ishte që në ndërkohë të mobilizohen dhe organizohen strukturat e shtetit të Serbisë në këtë pjesë të Republikës së Kosovës”, thotë ai.

Strukturat paralele serbe mbesin edhe më tutje

Sipas tij, kjo mënyrë e sjelljes dhe veprimit të shtetit të Serbisë në Kosovë, përmes strukturave dhe institucioneve të instaluara në veriun, do të vazhdoj edhe gjatë vitit 2012. “Tashmë, kur Serbia u bind se institucionet ndërkombëtare të pranishme këtu nuk ishin serioze dhe të vendosura për t’iu kundërvu veprimeve të saja joligjore dhe shkatërruese, nuk ka përse të ndryshoj taktikën dhe strategjinë e veprimit për realizimin e synimeve për ndarjen e Mitrovicës dhe të veriut të vendit. Barrikadat do të mbesin aty deri në momentin kur kjo i konvenon Serbisë. Mu për këtë, jam shumë pesimist sa i përket ndryshimit pozitiv të gjendjes në veri të qytetit dhe të vendit në përgjithësi”, është shprehur Barani.
Ai në vazhdim thotë se sikur institucionet e vendit dhe ato ndërkombëtare të ishin më syçelë dhe të dëgjonin zërin e qytetarëve, jo vetëm të shqiptarëve, por edhe të tyre serbë, për parandalimin e veprimeve kriminale të bandave ekstremiste serbe në veri, duke i vendosur nën stacionet policore në pikat ku ata i kërkonin, kjo që po ndodh sot, nuk do të ndodhte, pasi që organizatorët e barrikadave dhe zhvillimeve tjera negative në veri e që janë pikërisht drejtuesit e këtyre bandave, do të kapeshin nga organet e rendit dhe kështu do të pamundësohej edhe veprimtaria e tyre kriminale.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30