Ecuria e protestes:Vetëvendosje: Në Besianë qindra protestues po sulmohen brutalisht nga Policia e Kosovës

nga **Agim Gashi** Sat Jan 14, 2012 6:59 pm

Vetëvendosje: Në Besianë qindra protestues po sulmohen brutalisht nga Policia e Kosovës

Ismail Shabani-BOTA SOT (Merdare)
Ecuria e protestes:Vetëvendosje: Në Besianë qindra protestues po sulmohen brutalisht nga Policia e Kosovës Kurti_14vv

Ecuria e protestes:Vetëvendosje: Në Besianë qindra protestues po sulmohen brutalisht nga Policia e Kosovës Kurti_14vv

Vetëvendosje thotë se lideri i saj Albin Kurti nuk është arrestuar

(I plotësuar) - Albin Kurti, lider i Lëvizjes Vetëvendosje megjithatë nuk është arrestuar ashtu siç kishte njoftuar më parë kjo Lëvizje. Albin Kurti, sipas kësaj Lëvizjeje, për shkak të një lëndimi, ishte dërguar në një autoambulancë për të marrë ndihmë mjekësore dhe aktivistët e Lëvizjes kishin menduar se është arrestuar. Gani Krasniqi, Blerim Maqestena, Salih ZYba, Hysen Durmishi, Naser Shatri dhe 13 të tjerë, dy nga ata kanë nevojë për mjekim nga sprej. Këta janë në stacionin policor në Besianë.

Sipas Vetëvendosjes në Besianë, te Qendra Tregtare “Albi Center”, qindra protestues po sulmohen brutalisht nga Policia e Kosovës.

Mbështetësit nga Tirana janë lejuar të kalojnë kufirin dhe janë duke ardhur për t’iu bashkuar protestuesve.

Sipas njoftimeve të fundit Kurti tashmë ka lënë autoambulancën dhe iu ka bashkuar protestuesve.

Vetëvendosje: Është arrestuar Kurti

Policia e Kosovës ka arrestuar liderin e Lëvizjes Vetëvendosje, Albin Kurtin, ka bërë të ditur kjo Lëvizje në rrjetin social, Facebook. Po sipas këtij njoftimi, të arrestuar të tjerë janë edhe Sali Zhyba dhe Fisnik Ismaili. Nuk ka njoftim zyrtar për këtë arrestim.

Tensionohet situata lëndohen policë dhe protestues

Policia e Kosovës konfirmon incidentin e parë në qytetin e Podujevës, në ballafaqim me protestuesit e Vetëvendosjes. Zëdhënësi i Policisë së Kosovës, Baki Kelani, tha se janë lënduar dy pjesëtarë të Policisë së Kosovës, ndërsa po tentonin të ndalnin turmën e aktivistëve të Vetëvendosjes të cilët kishin për synim të ballkonin kamionët të cilët vinin nga Serbia ne Kosovë.

Gjendja tash raportohet e qetë. Kelani nënvizoi se Policia e Kosovës është e vendosur që të zbatojë kushtetutshmërinë dhe ligjshmërinë. Ndërkohë reporteri ynë nga tereni njofton se si pasojë e gazit lotsjellës kanë kërkuar ndihmë pesë protestues.

Albin Kurti: Ne ia arritëm qëllimit, u ndaluam mallrat nga Serbia

Pikërisht në ora 13 në udhëkryqin e Podujevës te hotel Besiana që është në një largësi prej 6 kilometrash nga pika kufitar e Merdares, lideri i Vetëvendosjes Albin Kurti i është drejtuar masës së tubuar që përbëhej nga qindra veta, kryesisht të rinj nga Podujeva por edhe të ardhur nga Prishtina e vendet e tjera, duke u thënë se qëllimi ynë është arritur dhe ne sot kemi ndaluar hyrjen e mallrave nga Serbia në Kosovë.

Në ndërkohë, një kordon i madh i policisë së Kosovës ka bllokuar shkuarjen e protestuesve drejt pikës kufitare në Merdare dhe kështu në udhëkryqin që qon në hyrje të Podujevës është krijuar një “tollovi” e madhe me prani të policëve të Kosovës dhe të protestuesve. Policia e Kosovës por edhe protestuesit po e lejojnë qarkullimin e automjeteve për në Merdare dhe ardhjen e tre prej kësaj pike kufitare, por të gjitha këto automjete mbajnë targa të Republikës së Kosovës.

Deri në momentin kur po raportojmë nuk ka ndodhur asnjë ekses në mes të policisë së Kosovës dhe protestuesve në ndërkohë që po dëgjohen brohoritje të protestuesve kryesisht për ndalimin e mallrave nga Serbia. “Bota sot” në çdo kohë do të ju sjell informacionet e fundit nga pikat kufitare në Merdare dhe te Dheu i Bardhë.

Ecuria e protestes:Vetëvendosje: Në Besianë qindra protestues po sulmohen brutalisht nga Policia e Kosovës DSC_0120aaaa1802631279

Ecuria e protestes:Vetëvendosje: Në Besianë qindra protestues po sulmohen brutalisht nga Policia e Kosovës DSC_0120aaaa1802631279

Ecuria e protestes:Vetëvendosje: Në Besianë qindra protestues po sulmohen brutalisht nga Policia e Kosovës DSC_0057aaaa586157481

Ecuria e protestes:Vetëvendosje: Në Besianë qindra protestues po sulmohen brutalisht nga Policia e Kosovës DSC_0063aaaa459859509

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30