Policia mund të ketë informatorë në Vetëvendosje

nga **Agim Gashi** Tue Oct 30, 2012 12:39 pm

Policia mund të ketë informatorë në Vetëvendosje

Protesta e 22 tetorit e organizuar nga Lëvizja Vetëvendosje, edhe pse nuk ishte paralajmëruar dhe nuk e dinte askush përpos aktivistëve të saj, Policia ata “i mirëpriti” në shesh.
Kjo bëri të dyshojnë se aktivistët dhe deputetët e kësaj Lëvizje ose janë përgjuar, ose janë spiunuar nga dikush, apo lajmi për protestën ka dalë nga vetë Vetëvendosja.
Bajram Rexhepi, ministër i Punëve të Brendshme, ka thënë se Institucionet e Sigurisë kanë metodat e veta për veprimet e këtij lloji.
Mirëpo Ministri Rexhepi, ka pohuar se dikush nga Vetëvendosje mund të ketë lajmëruar për protestën.
“Por ka edhe ndoshta ndonjëherë që edhe prej Vetëvendosjes na tregojnë dhe na lajmërojnë për këto lloj organizime”, ka thënë Rexhepi.
Ndërsa Dardan Molliqaj nga Lëvizja Vetëvendosje, e ka mohuar një fakt të tillë, duke akuzuar ministrin Bajram Rexhepi, se me këto deklarata synon ta mbulojë dhunën e Policisë në ditën e protestës.
“Të gjitha këto deklarime të ministrit Rexhepi dhe të tjerëve janë të pavërteta dhe manipuluese dhe po përdoren për ta justifikuar dhunën e policisë së Kosovës ndaj protestuesve paqësorë”, ka thënë Molliqaj .
E në anën tjetër Policia e Kosovës, thotë se të gjitha veprimet e saj lidhur me mbledhjen e informacioneve i ka realizuar konform autorizimeve ligjore të saj, duke shfrytëzuar njësitet e saja policore si dhe burimet e ndryshme të informacionit.
“Ketë e ka realizuar përmes rrugëve operative nga njësitet policore ne teren si dhe nga informacionet inteligjente të PK-ës. Po ashtu janë marre për baze edhe informacionet dhe deklaratat publike nga vete drejtuesit e kësaj lëvizje”, ka thënë Baki Kelani, zëdhënës në Policinë e Kosovës.
Opsioni tjetër për mbledhjen e informacioneve për protestën e Vetëvendosjes, dyshohet të jetë edhe përgjimi i telefonave të deputetëve të kësaj lëvizje, përderisa një gjë të tillë e ka mohuar Ministri i Punëve të brendshme e po ashtu edhe Policia e Kosovës.
“Përgjimet e telefonave bazuar ne legjislacion kryhen vetëm me autorizim të gjyqtarit përkatës dhe ne asnjë mënyrë PK-ja nuk ka përgjuar asnjë telefon”, ka theksuar zëdhënësi i Policisë Baki Kelani.
Në anën tjetër, Lëvizja Vetëvendosje thotë që nuk do të ishte e drejtë nëse telefonat e deputetëve do të ishin përgjuar pa ndonjë vendim të veqantë të prokurorisë.
“Dihet që është e paligjshme të përgjohet një subjekt politik, për veç se nëse ekziston një vendim i veçantë i prokurorisë. A ka pas vendim të tillë?”, ka thënë Molliqaj.
Molliqaj ka shtuar se plani i tyre në ditën e hënë ka qenë për të hedhur ngjyrë dhe domate në eskortën e kryeministrit Thaçi si reagim ndaj takimi Thaçi-Daçiq.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30