Rexhepi paralajmëron arrestimin e të dyshuarve për vrasjen e Zymberajt

nga **Agim Gashi** Fri Jan 27, 2012 8:32 pm

Rexhepi paralajmëron arrestimin e të dyshuarve për vrasjen e Zymberajt

Luftimi i krimit dhe vendosja e rendit dhe ligjit në gjithë territorin e Republikës së Kosovës mbetet prioritet për Ministrinë e Punëve të Brendshme. Ministri Bajram Rexhepi paralajmëron reformë në Policinë e Kosovës dhe arrestimin e të dyshuarve për vrasjen e policit Enver Zymberajt.

Sundimi i rendit dhe ligjit në tërë territorin e vendit, liberalizimi i vizave, vazhdimi i reformave në Agjencitë Ekzekutive të MPB dhe bashkëpunimi rajonal e ndërkombëtar cilësohen prioritete të Ministrisë së Punëve të Brendshme për këtë vit.

Ministri Bajram Rexhepi tha se do të zbatojnë disa strategji të cilat mundësojnë lëvizjen e lirë të qytetarëve edhe ne veri të vendit.

“Ne kemi arritur edhe suksese mirëpo, kemi shumë projekte, shumë programe që t’i rrisim kapacitetet edhe profesionale”, theksoi ai.

Rexhepi tha se Ministria që ai drejton do të plotësoj të gjitha kushtet teknike që dalin nga dialogu për liberalizimin e vizave me BE-në. Për Policinë e Kosovës, paralajmëroi reforma.

“Zvogëlimin e moshës mesatare të shërbimit në Policinë e Kosovës, përmes rekrutimit të zyrtarëve të rinj policor. Pensionimi i parakohshëm i pjesëtarëve të Policisë së Kosovës si dhe orari i punës më i shkurtuar do të jen pjesë e reformës”, tha Rexhepi.

Duke folur për arrestimin e të dyshuarve në vrasjen e policit, Enver Zymberaj, Rexhepi tha se tashmë ka 6 fletë-arreste.

Por, sipas tij, arrestimi i tyre është i vështir për shkak të barrikadave në veri dhe lëvizjes së tyre të vazhdueshme edhe në Serbi.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30