Thaçi edhe delegacioni i Qeverisë në Restelicë

nga **Agim Gashi** Sun Feb 12, 2012 11:15 pm

Thaçi edhe delegacioni i Qeverisë në Restelicë

Ministri dhe Komandanti i FSK-së gjenerallejtënant, kanë vizituar sot njësitë e FSK-së në Restelicë të Dragashit

Ministri i FSK-së Agim Çeku, Komandanti FSK-së gjenerallejtënant Kadri Kastrati, gjeneral Brigaqe Imri Ilazi, sot me datën 12 shkurt 2012, kanë vizituar njësitë e kërkim shpëtimit të FSK-së në vend incidentin e Restelicës në komunën e Dragashit, ku ndodhi tragjedia nga orteku i borës e që rezultoi me 9 të vdekur.

Delegacioni i MFSK-së dhe FSK-së ka shoqëruar edhe delegacionin e Qeverisë së Kosovës të kryesuar nga Kryeministri Thaqi, Zëvendëskryeministri Kuqi dhe ministri i Komunikacionit dhe Infrastrukturës zoti Fehmi Mujota.

Kryeministri dhe delegacioni qeveritar, Ministri Çeku dhe komandant Kastrati në fillim u njoftua me përmasat e fatkeqësisë dhe dëmet e shkaktuara nga orteku. Ata panë nga afër angazhimet e pjesëtarëve të FSK-së që po punonin në gjetjen edhe të personit të fundit të kërkuar. Për shkak të pa mundësisë së përdorimit të makinerisë teknike e tërë puna është duke u bërë me vegla dore.

Në ditën e sotme në fshatin Restelicë janë të angazhuara 192 pjesëtarë të FSK-së: në kërkim – shpëtim, në angazhimet për hapjen e rrugës dhe ndihmës mjekësore që po i ofrojnë popullatës vendore. Po ashtu forcat e FSK-së janë marrë edhe me transportin e trupave të pa jetë deri te vendi i caktuar në fshatë, nga ku do të fillojnë përgatitjet edhe për ceremoninë e varrimit të tyre.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30