Vidhen bustet e dëshmorëve Pajazit Ahmeti e Alban Ajeti

nga **Agim Gashi** Mon Feb 20, 2012 8:14 pm

Vidhen bustet e dëshmorëve Pajazit Ahmeti e Alban Ajeti

Në Gjilan janë vjedhur bustet e dy dëshmorëve të kombit, Pajazit Ahmeti dhe Alban Ajeti, që ishin të vendosur në hyrje të ish-objektit të komandës së FSK-së, e që tash është destinuar për bibliotekën e re rajonale në Gjilan, “Fan S. Noli”.
“Me shumë indinjatë kemi marrë lajmin për vjedhjen e dy busteve të dy dëshmorëve të kombit, Pajazit Ahmeti dhe Alban Ajeti, që ishin të vendosur në hyrje të ish objektit të komandës së FSK-së, e që tash është destinuar për bibliotekën e re rajonale në Gjilan, “Fan S. Noli””, thuhet në reagimin e Komunës së Gjilanit.

Biblioteka është investim, në ndërtim e sipër, nga Komisioni Europian dhe hapësira është e rrethuar ashtu si zakonisht që rrethohen punishtet ndërtimore dhe bustet, kohët e fundit, nuk janë dukur nga rruga.

Kryetari i Gjilanit Qemajl Mustafa, bashkë me OVL të UÇK-së, e kanë dënuar këtë akt të ulët dhe të papranueshëm për shoqërinë.

“Aktin e tillë Kryetari i Komunës dhe Kuvendi Komunal, pavarësisht motiveve, e cilëson akt vandal për përfitime të ulëta. Ata që e kanë bërë këtë akt, asnjëherë në jetën e tyre nuk kanë mësuar për dëshmorët dhe veprën e tyre të madhe e të papërsëritshme. Ju sigurojmë së njerëzit e lig me këtë akt që e kanë bërë, asnjëherë nuk do të na lëkundin e aq më pak ta zvetënojnë veprën e bijve të kombit për themelimin e ndërtimin e shtetit”, thuhet në reagim.

Është premtuar se bustet në afatin më të shkurtër të mundshëm, komuna do t’i kthej në vendin e vet, sepse ata tashmë janë të popullit shqiptarë dhe të komunës së tyre.

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31