Akllapi Net - Forum i Hapur
Would you like to react to this message? Create an account in a few clicks or log in to continue.
Akllapi Net - Forum i Hapur

Tonin Nikolli-Musa Jupolli dhe Mentor Thaqi:Poetet n' kuvendim t'Atdheut

Akllapi Net - Forum i Hapur :: Arti dhe kultura

Shko poshtë

Tonin Nikolli-Musa Jupolli dhe Mentor Thaqi:Poetet n' kuvendim t'Atdheut Empty Tonin Nikolli-Musa Jupolli dhe Mentor Thaqi:Poetet n' kuvendim t'Atdheut

Mesazh nga Agim Gashi Mon Feb 20, 2012 11:23 pm

Tonin Nikolli-Musa Jupolli dhe Mentor Thaqi:Poetet n' kuvendim t'Atdheut 157456_100003270958580_1191593925_nTonin Nikolli-Musa Jupolli dhe Mentor Thaqi:Poetet n' kuvendim t'Atdheut 41673_1475749406_8718_nTonin Nikolli-Musa Jupolli dhe Mentor Thaqi:Poetet n' kuvendim t'Atdheut 275246_100000582437455_2097760_n

Tonin Nikolli-Musa Jupolli dhe Mentor Thaqi:Poetet n' kuvendim t'Atdheut
-------------
Malli Poetik (Tonin Nikolli)
********
...
NE KRYE TE DHEUT TIM

Do shkoj kete pranevere te mbjell nje peme,
Ne Krye te Dheut tim, ne zemer te Zadrimes.
T' hap afer nje pus, t'i shuaje ne vape etjen.
T'i ndertoj nje strehez, ta mbroje ne dimer...

Pema te gjelberoje ne kater stine.
Te beje hije te madhe per t'lodhshmi udhetare.
Te fshehe muzgjeve nen gjethe dashurite,
Te mbarte degeve çerdhe per zogjte shtegtare...

Kete pranevere do shkoj ne Krye te Dheut tim.
Te fle nje nate mbi barin e njome.
Te pres diellin, kur Kreshten te laje ne agim,
T'udhetoj me te, deri ne perendim vone...

Ne Krye te Dheut tim do mbjell nje peme.
Rratheve te jetes,
Te me shkruaje emrin,
Rracen,
Fene...

*********
Musa Jupolli
*********

(Malli-t Poetik)

Pemën e ke poet!
ajo të pret
n'trashegim
ta lanë
t'paret tanë.
Pema jote poet
Poemë trolli.
T'them është dardhë
do t' më thuash:
Dardani!
Qe besa ajo pemë
qe do ta mbjellesh ti
n'kujtim
n'trashegim,
emri yt
n'Atdhe
për t'ardhmit
shkrim e vulë
për histori.
N'aromën e saj poet
do ta ndiesh
gjenezën,
besimin,
filozofinë
e t'parëve tanë
T' them është
mollë!
do t'më thuash:
është shartim
i mollave t'Zadrimës.
Po nga gjumi
kur të zgjohesh
ëndërra jote
me një buzëqeshje
lirshëm do frymojë
dhe ti vetë do ta emërtosh
POEMA IME
PEMA E ATDHEUT TIM !

musa jupolli, paris,20/02/2012

-------------------------------------------------------------
Mentor Thaqi
**********

JO GRUSHTMBYLLUR, POR BESËLIDHUR

Ev, ev,
lum kjofshim,
kah Zadrima,
m´tha Prend Buzhala,
rritet bima
e mbahet fjala,
m´tha Daniel Gazulli,
n´rrafsh të Lisit (Lezhës)
Kurorë Kombi
vet maja e Plisit,
po po,
m´thanë edhe motra e bija,
Dorina, Vjollca, Marjana, Besa, Fahrija, ...
e unë zanin lëshova
me mall zemre e shpirti,
paj, me Mallin Poetik
qebesa,
aromë dardhash Dard(h)anie
më solli vëllai
kur vet i mbolli AI,
në mëndje
e ëndje!
Ah, mallin ruan
edhe Toka
e nderin
Nikoll Ndoka
me vëllëzër e motra
dhe bekim në Votra!

Sa e sa herë
n´rreth Pranverë
në mbytje
fruthesh
e kollëkëqiash
një Dardhë Hasi,
një Mollë Pollogu
e pse jo Mollosie
andej kah Parga?!,
kërkonim
qosheve me kashtë
që t´heqim shkrumbin
buzëve
e mundin
rruzëve!

Fjala n´mes Parisi
jehonë jehonash krisi,
a n´midis kuvendi,
Boten desh e ç´mendi,
aty te Elise
ku u fol deri dje
keq e zi për ne,
e dje
n´Epokë t´Re
me plot mbresa
na erdh kthesa,
paj, aty ishin vëllëzërit,
ishte Fjala e Besa!
Eh, more vëlla
Poet- Musa ,
Tonin Nikolli
me mall e Nderë Trolli,
pikë për pikë
Mallin Poetik
na mbolli përsëri
në zemra dashuri,
e n´Krye të Dheut,
Pemën e Atdheut!
Bekim,
uron shpirti im!

Mentor Thaqi VS., 20.02.2012
Agim Gashi
Agim Gashi
Administrator
Administrator

Numri i postimeve : 45955
Age : 70
Location : Kosovë
Registration date : 17/11/2008

Mbrapsht në krye Shko poshtë

Mbrapsht në krye

- Similar topics

Akllapi Net - Forum i Hapur :: Arti dhe kultura

 
Drejtat e ktij Forumit:
Ju nuk mund ti përgjigjeni temave të këtij forumi