Musa Jupolli & Mentor Thaqi

nga **Agim Gashi** Tue Oct 15, 2013 10:18 pm

Musa Jupolli & Mentor Thaqi

Musa Jupolli:FLET(Ë)ORE VARGU

Para se të bëhem shkrimtar
Isha përpjekur të pikturoj
Fillova pak edhe me kitarë
Politika ime në kulturë
Eh !
Fillova me vargje në Poezi
Mite ritmike n'artin tim
Dashuri me letra të vjetra
Stili im, gati e folme
T' flas me gjuhë
Ta thej qetësinë, ndalesën
Në kohë të thyera
I vetëdijshëm në shenja
Udhë e gjatë e veprave
Ndoshta pse jemi shqiptar
Në mes dy paragrafeve
Sherueshëm n' zemër e n'shpirt
Mbështjellur me të gjitha bukuritë
Me melodi natyre vura dashurinë
Trupuar sipas ndjenjave të mia
Gdhendje sipas ideve të mia
Vepër sipas shijës sime
Jetë-arti im
Atdheun e quajta shkollë
E arteve të Bukura
Si shkrimtar n' imitim
Gjeta-gjej « inspirim »
Frymëzimin shqiptar !

musajupolli@paris

*
Mentor Thaqi:FJALËFORMIMIT, NDJESINË

Si nuk e mësova njëherë të vetme
ligjin e të shkruarit poezi ?
Nuk iu qasa drejt mësimit
apo nuk nuhata mirë aktrimin !
Mbeta në formën time ,
para se të mësoj shkrim !
« Këndimin » gazetave njoha,
paqetave të cigareve "MORAVA"
« Kushumli » me lapës do të bëhesh
më tha dikur baca Sadik !
Ai !
Mësuesi i mësimeve autodidakte,
po edhe odave pas punëve ditore !
Ëndërrat n'atë rrafsh i shijova, i ndjeva
dashuri e etshme ,dëshirat e mia mbajta,
dhuratë përkushtimin
përditë, përnatë, sagë e gjatë !...
N´parim, ndërhyrje nuk lë,
në vetmi n´pritje te dera :
« konzervatizmi » im që nuk ndryshon qellime
për llogari tjera, mbetet vetja !
Jeta n' Dheun tim pjek në fëmijëri t' hershme :
t' asaj që e imja s'është shpirti nuk më ferkon !
Jam aty në Dhé, artin e kam tablo,
pikturë pa ngjyrë nuk mund të shoh,
vargut i jap porosinë ende pa e shkruar !
Vetëdijësim :
Nuk dua gjëra abstrakte
më flet vargu im qindëshi i enigmave,
jo i gjysmave të dyshimeve !
Paragraf parimor, varg mendor, ...
metafora ime në ndihmë, larg t' asaj pa kuptim,
ndjenja ime në kërkim-zbërthim !
Dëshira ime jeton, është në mua
Kuptimësia e vargut tim !

Mentor Thaqi VS

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30