Përkujtim:Hamit Gashi (1931-2006)

nga **Agim Gashi** Sat May 12, 2012 8:20 pm

Përkujtim:Hamit Gashi (1931-2006) 15707_389445099076_644509076_4163968_7842198_n

Hamit Gashi (1931-2006)

Sot më 12.05.2009, u mbushën gjashtë vite nga vdekja e bashkëshortit, babait, vëllaut dhe gjyshit tonë

HAMIT BAJRUSH GASHI
Nga Akllapi
(1931-2006)

Të shkruhet përkujtimi për Ty qenka vështirë, por na ngushllon fakti se Ti ishe njeriu që na mbushe me gëzime, jetë e krenari gjatë gjithë jetës sate. Sa na mungon nuk ka përshkrim. Jetove duke e dashur atdheun dhe lirinë e Kosovës, duke na dashur ne si familje, miqësinë dhe shoqërinë. Endërrën që ta festosh ditën e pavarsisë nuk e arrite por fli i qetë se ke pasardhës që do ta gëzojnë ate.Krenaria dhe dashuria që kemi për Ty, po na e lehtsojnë dhëmbjen që më nuk të kemi pranë dhe në sofrat tona.
Kujtimi për ty do të na mbajë të gjallë derisa mos të ketë jetë në këtë botë.

Të përkujtojnë;Bashkëshortja Fikrija, djemt Agimi, Samiu, Afrimi dhe Agroni, vajzat Drita, Afërdita, Shpresa dhe Besa, vllëzërit Sabiti, Ragipi, Fadili dhe Milazimi, motrat Hanumshahja dhe Nurija, nipat e stërnipat, mbesat dhe stërmbesat nga Lipjani, Akllapi, Prishtina, Gjermania, Suedia, Kanada, Zvicra etj.
Përkujtim:Hamit Gashi (1931-2006) 15707_389445404076_644509076_4163970_5918843_n

Përkujtim:Hamit Gashi (1931-2006) 15707_389445404076_644509076_4163970_5918843_n

Agim Gashi
BABAIT TIM
HAMIT GASHIT

Ditë e premte në mëngjez
më erdhi një lajm i zi...
vdiq ai, qe me solli në jetë
e në kurbet s’më pa dot me sy.

Dymbëdhjetë maji i luleve
mori me vete babën tim,
pa e takuar dhe një herë,
pa e marrë në përqafim.

Më kaploi terri i dhimbjes
dilelli për mua s’bënte dritë.
Të mos jem në varrimin e tij
këtë gjë nuk e kam pritë.

Ah, kurbet ti qofsh mallkuar
që i ndave njerzit për së gjalli,
dhe ia çove vdekjes për t’i shuar,
duke i lënë t’i djegë malli.

E dija, or babë, që s´jeton gjithmonë
dhe të kujtoja me shumë mall,
por ke mbetur në zemrën time
gjithmonë i paharruar dhe i gjallë.

Vepra jote në këtë bote
më jep forcë e më jep nder,
kudo të eci e ngado të shkoj,
ti me mua do jeshë përherë.

Se dashuria për babë e nanë
është dashuri që ska mbarim,
Por kur të ikin pa i parë,
të mbetet pengu thellë në shpirt.

Ditë e natë të kam në mendje,
në atë botë kur të shihemi dikur,
do çmallemi për të dy botërat
dhe s’kemi për tu ndarë kurrë.

Lamtumirë baba i dashur,
fli i qetë në tokë arbërore,
se i pa shuar do mbetet ylli yt
në jetën fisnore qindravjeçare.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30