ShIK-u, strukturë e Partisë Demokratike të Kosovës

nga **Agim Gashi** Wed Aug 15, 2012 6:53 pm

ShIK-u, strukturë e Partisë Demokratike të Kosovës

Lëvizja VETËVENDOSJE! ka kohë që e ka nisur procedurën e mbledhjes së nënshkrimeve për krijimin e një komisioni hetimor në Kuvendin e Republikës së Kosovës në lidhje me veprimtarinë e ShIK-ut, komision ky i cili do të zbardhte të vërtetën mbi atë se kush e ka themeluar këtë shërbim, si është financuar ai, kujt i ka dhënë llogari ShIK-u, cila
ishte struktura, rregullat e brendshme dhe plani i punës së këtij shërbimi, si dhe ku janë arkivat e shumëpërfolura të tij, thuhet në reagimin e Vetëvendosjes të bërë të mërkurën. “Nga agjentët e vetëdeklaruar të ShIK-ut dhe nga kreu i kësaj organizate kemi marrë përgjigje se gjoja ky shërbim ka qenë shtetëror. Edhe pse ende nuk kemi parë asnjë dokument të vetëm zyrtar mbi veprimtarinë e kësaj organizate, dita ditës edhe vetë anëtarët e PDK-së po dëshmojnë që SHIK-u ka qenë dhe është pjesë e strukturave të saj partiake. Në një intervistë Kryetari i Kuvendit të Republikës së Kosovës, dhe njëherazi Sekretar i Përgjithshëm i Partisë Demokratike të Kosovës, Jakup Krasniqi
, në pyetjen e gazetarit për përfshirjen e kreut të ShIK-ut Kadri Veseli në politikë, përgjigjet duke thënë se Veseli ka qenë edhe më herët i përfshirë në vendimmarrje në PDK”, thuhet në reagim.
Fakti që njeriu kryesor i organizimit në PDK konfirmon se Veseli ka qenë njeri i vendimmarrjes në parti, dëshmon më së miri se SHIK-u është organizatë partiake e Partisë Demokratike të Kosovës. Kjo veçse i shton argumentet e fuqishme për një komision hetimor për t'i kuptuar të gjitha ato të panjohura rreth kësaj organizate që edhe sot e mban peng shtetin e Kosovës. BS

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30