Reeker: Javët e ardhshme kritike për Shqipërinë

nga **Agim Gashi** Thu Sep 06, 2012 9:02 pm

Reeker: Javët e ardhshme kritike për Shqipërinë

SHBA-të i shohin javët e ardhshme kritike, por edhe vendimtare për Shqipërinë. Mesazhi i shkurtër por shumë i qartë Zëvendës Ndihmës Sekretarit amerikan të Shtetit për Çështje të Europës dhe Euroazisë, fton palët të tejkalojnë interest e ngushta politike dhe të mendojnë për interesin e vendit.

Në konferencën për shtyp me kryeministrin Berisha, zyrtari i lartë amerikan tha se SHBA-ja do mbajë nën vëzhgim Shqipërinë.
"Uashingtoni do ta ndjekë Shqipërinë vitin e ardhshëm nga shumë afër. Shpresojmë të shohim përparim në reforma dhe respektim të pavarësisë së institucioneve demokratike. Javët e ardhshme janë veçanërisht kritike. Janë kritike në të demostruarit e reformave dhe seriozitetin e qëllimeve që shkojnë përtej politikës e që pasqyrtojnë interesin më të mirë dhe dëshirat e popullit shqiptar” tha ai.

Duke shprehur angazhimin për realizimin e reformave dhe falenderimin për kontributin amerikan ndaj shqiptarëve kryeministri Sali Berisha ftoi Washingtonin që në zgjedhjet e ardhshme të jetë fuqimisht prezent si monitorues i procesit.

“Unë e njoha zotin Reeker me të gjitha reformat e ndërmarra, me problematikën që ne përballemi dhe që ekziston, me vendosmërinë e qeverisë për të merituar statusin e vendit kandidat dhe me vendosmërinë e qeverisë për të bërë çdo gjë për zgjedhje të lira e të ndershme, si dhe ftesën time ndaj qeverisë dhe institucioneve të Shteteve te Bashkuara, për një prani sa më të gjerë të tyre në zgjedhjet e ardhshme ” shtoi kryeministri.

Në vizitën e parë në Tiranë që prej një viti kur është emëruar në detyrën e tij në DASH, ambasadori Riker ka pasur një axhendë të ngjeshur e cila ka nisur me një konferencë për Rolin e ardhshëm të NATO-s dhe BE-së në Evropën Juglindore që u mbajt në Durrës.

Zyrtari i DASH pati një takim edhe më ministrin e Jashtëm Edmond Panariti ndërsa gjatë pasdites do të qëndrojë në zyrën e kreut të shtetit Bujar Nishani.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30