Shkodër, LRI:Veprimtari sportive në kuadër të 100-vjetorit të pavarësisë

nga **Agim Gashi** Thu Sep 20, 2012 11:28 am

Shkodër, LRI:Veprimtari sportive në kuadër të 100-vjetorit të pavarësisë

Anëtarë dhe simpatizantë të Lëvizjes Rinore për Integrim ishin pjesë e një aktiviteti sportiv, të zhvilluar pasditen e së mërkurës në Kompleksin Sportiv “Zmijani”.

Përpara nisjes së aktiviteteve, kryetar i LRI-së, Endrit Brahimllari, tha se ky aktivitet, i cili zhvillohet në kuadër të 100-vjetorit të Pavarësisë, ka për qëllim vënien në funksionim të strukturave të LRI-së së Shkodrës, ku padyshim promovimi i sportit sjell një rini më aktive dhe më të shëndetshme.

Në emër të kësaj force, Brahimllari u angazhua për krijimin e strategjive në shërbim të sportit dhe talenteve të reja, pasi ato janë një vlerë për shoqërinë. Ai tha se, aktivitete të tilla do të vijojnë në të gjithë vendin, për të afruar më shumë këta të rinj me njëri tjetrin.

Veprimtarinë sportive e kanë përshëndetur dhe Kryetari i LSI-së për rrethin e Shkodrës, Nikolin Dedvukaj, dhe Rozafa Zmijani, sekretare e Lëvizjes së Gruas për Integrim, të cilët garantuan të rinjtë pjesëmarrës se takime të tilla janë në programin e strukturave të LSI-së dhe gjatë periudhës në vazhdim.

Në terrenet sportive të kompleksit "Zmijani", 12 skuadrat pjesëmarrëse konkurruan në disa lloje sporti, si në futboll, lojëra me dorë, volejboll dhe basketboll, tenis, kalçeto, veprimtari të cilat u ndoqën nga një publik i shumtë sportdashës nga qyteti i Shkodrës dhe më gjerë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30