Tahiri mori pjesë në shënimin e 100 vjetorit të pavarësisë në Stamboll

nga **Agim Gashi** Wed Dec 05, 2012 11:46 pm

Tahiri mori pjesë në shënimin e 100 vjetorit të pavarësisë në Stamboll

Me ftesë të Konsullit të Përgjithshëm të Republikës së Shqipërisë në Stamboll, Ermal Muça, zëvendëskryeministrja e Qeverisë së Republikës së Kosovës, Edita Tahiri mori pjesë në aktivitetet e organizuara me rastin e shënimit të 100 vjetorit të pavarësisë së Shqipërisë në Stamboll.

Zëvendëskryeministrja Tahiri mori pjesë në pritjen zyrtare të organizuar nga Konsullata e Përgjithshme e Shqipërisë së bashku me zëvendësministren për Punë të Jashtme të Shqipërisë, Edit Harxhi. Të pranishëm gjithashtu ishin edhe autoritetet e larta të Stambollit si Prefekti i Stambollit, z. Huseyin Avni Mutlu, Kryetari i Komunës së Bajram Pashës, z. Atila Aydiner, deputetet e Kuvendit të madh të Turqisë, kryetarët e të gjitha shoqatave të shqiptarëve të shpërngulur në Turqi, si dhe shqiptarë të ardhur nga shumë pjesë të Turqisë.

Zëvendëskryeministrja Edita Tahiri në fjalimin e saj vlerësoi rëndësinë 100 vjetorit si një ngjarje historike për kombin shqiptarë duke thënë se shekulli njëzetë ishte një shekull i ndarjes dhe shprehu bindjen se shekulli njëzetenjë do të jetë një shekull i bashkimit kombëtar të të gjithë shqiptarëve. Më tej ajo tha sa historinë tonë tragjike nuk do ta harrojmë asnjëherë por do të punojmë që e ardhmja të jetë në anën e shqiptarëve duke shprehur mirënjohjen për shqiptarët në Turqi të cilët asnjëherë nuk e harruan origjinën e tyre. Zonja Tahiri foli për të arriturat kapitale të kombit shqiptar, për Kosovën e pavarur dhe sovrane të njohur, për Shqipërinë demokratike dhe anëtare të NATO-së, për shqiptarët në Maqedoni, Luginën e Preshevës, Malin e Zi dhe Çamëri.

Znj. Tahiri gjithashtu foli edhe për marrëdhëniet e shkëlqyera të cilat tashmë janë krijuar në mes të shtetit të Kosovës dhe atij të Turqisë duke konstatuar se gjërat e përbashkëta të trashëguara nga e kaluara, do të na ndihmojnë dhe shërbejnë gjithashtu për të ndërtuar edhe të ardhmen tonë në familjen euroatlantike.

Gjatë kësaj vizite në Stamboll, Zëvendëskryeministrja Tahiri mori pjesë edhe në Konferencën për Lider të organizuar nga Istanbul Aydin Unversity. Fillimisht znj. Tahiri u prit në takim të veçantë nga Presidenti i Istanbul Aydin Unversity dhe Unionit të Universiteteve të Euroazisë, Dr. Mustafa Aydin dhe Rektorja e këtij universiteti, Prof. Dr. Yadigar Izmirli. Më pastaj vizitoi kampusin i këtij universiteti me ç’rast vlerësoi standardet e larta arsimore dhe ambientin inspirues të cilën e ofron ky universitet, i konsideruar si një ndër universitet kryesore private në Turqi.

Zëvendëskryeministrja Edita Tahiri mbajti një ligjëratë para të ftuarve të shumtë, studentëve të këtij universiteti dhe profesorëve e studiuesve. Znj. Tahiri në ligjëratën e saj foli për progresin e shtetit të Kosovës në kuadër të vizionit euro-atlantik, për proceset demokratike, zhvillimin e një ekonomie të qëndrueshme mirëqenie sociale.

Një pjesë të ligjëratës ia kushtoi marrëdhënieve Kosovë-Turqi duke i vlerësuar si të shkëlqyeshme si dhe gatishmërinë e Qeverisë së Kosovës për thelluar bashkëpunimin në fushat e interesit të përbashkët. Zonja Tahiri edhe me këtë rast përmendi se shqiptarët që jetojnë në Turqi dhe komuniteti turk në Kosovë pasurojnë marrëdhëniet mes dy vendeve.

Në kuadër të aktiviteteve në Stamboll, Zëvendëskryeministrja Tahiri mori pjesë në Konferencën për 100 vjetorin e Shqipërisë të organizuar nga BALKANSIAD dhe Konsullata e Shqipërisë. Në kumtesën e saj me titull “Shqiptarët në shekullin 21” zëvendëskryeministrja Tahiri u fokusua në historinë e ndarjes tragjike të shqiptarëve, arritjet kryesore të shekullit njëzetë si dhe foli për vizionin e një kombi lider në rajon të cilën shqiptarët e meritojnë dhe duhet ta realizojnë.

Në këtë konferencë të pranishëm qindra studentë shqiptarë që studiojnë në Turqi, ndërsa Konferencën e përshëndetën edhe dy konsujt e përgjithshëm të Shqipërisë dhe Kosovës, Kryetari i Komunës së Bajram Pashës, z. Atila Aydiner, deputetja e Parlamentit Turk znj. Gulay Dalyan dhe udhëheqës të Shoqatave të shqiptarëve në Stamboll.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30