Në shoqatën „Iliria“ në Rottweil pati çka të festohet

Në shoqatën „Iliria“ në Rottweil pati çka të festohet


Pjesëmarrësit në programin kulturor

Me17 shkurt 2008 u realizua amaneti i dëshmorëve, luftëtarëve të lirisë, dhe i atyre që thyen njëherë e pergjithmonë kufirin shqiptaro-shqiptar, u realizua amaneti i presidentit historik dr. Ibrahim Rugoves, amaneti i Adem Jasharit – tha Arton Ferizaj, sekretar i SHKSH “Iliria”në Rottweil.
----------------------------------------------------------
„Jemi tubuar sonte në këtë sallë për të festuar zhvillimet me rëndësi të madhe historike si: njëvjetorin e Ditës së Pavarësisë, Ditën e ëshmorëve dhe anëtarësimin e shqipërisë në NATO. “ U tha veç tjerash në manifestimin që u mbajt nga shoqata „Iliria“ e Rotweilit.
Nën patronatin e shoqatës „Iliria“ të Rotweilit u organizua manifestim kulturoro-artistik kushtuar ditës së pavarësisë, Ditës së Dëshmorëve dhe inkuadrimit të Shqipërisë në NATO. Fillimisht hapja e kësaj kremteje u bë me intonimin e Himnit të Flamurit dhe atij të Kosovës
Në fjalën përshëndetëse siç u shpreh kryetari i kësaj shoqate Zenel Osmanaj, ky program ishte paraparë të mbahet më heret, por për shkaqe teknike kryesia ka qenë e detyruar që ta presë këtë termin. Por megjithatë gjatë kësaj kohe ndodhi edhe një ngjarje e madhe historike, pra, pranimi i shqipërisë në NATO. Prandaj jemi tubuar sonte në këtë sallë sepse kemi për çfarë të festojmë“. - përfundoi kryetari i kesaj shoqate për të ia dhënë fjalën sekretarit të shoqatës Arton Ferizajt.
Me këtë rast Arton Ferizaj tha: Mysafirë të nderuar kam nderin që në emër të SHKSH „ILIRIA“ si shoqëri e organizuar tash e 18 vjet këtu në Rottweil një ndër shoqëritë me të organizuara në Gjermani si dhe diasporë, që të ju përshëndes të gjithë mysafirëve në sallë. Në këtë mbrëmje të madhe po festojmë njëvjetorin e pavarësisë së Kosoves si dhe hyrjen e Shqipërisë në NATO.
17 Shkurti 2008 ështe një ndër datat më të rëndësishme në historinë e Kosovës, është dhe do të mbetet realizimi i deshirës shekullore, jo vetëm të kosovarëve por gjithë shqiptarëve kudo që janë. Pikërisht në këtë datë të shenjtë u realizua amaneti i dëshmorëve, luftëtarëve të lirisë, dhe i atyre që thyen njëherë e pergjithmonë kufirin shqiptaro-shqiptar, u realizua amaneti i presidentit historik dr. Ibrahim Rugoves, amaneti i Adem Jasharit. U realizua amaneti i gjithë atyre që luftuan shekuj me radhë për këtë ditë të shenjtë, të cilët kanë një meritë të veçantë në historin më të re të Kosovës. Është një traditë e jona që mos t´i harrojmë dhe t´i përkujtojmë brez pas brezi ata që punuan, luftuan dhe u flijuan për kombin tonë të shenjtë. Prandaj me pijetet të madh do t´i kujtomë.
Para një viti festuam këtu në Rottweil pavarësinë e Kosovës, atë mbrëmje në emër të shoqërisë sonë pershëndeta edhe ftesen që iu bë Shqipërisë për anëtarësim në NATO.
Tanimë u bë realitet, Shqipëria u anëtarësua me të dreja të barabarta me shtetet tjera në NATO, shqiponja dykrenare po iu prin flamujve si asnjëherë më parë në selinë e NATO-s, e përshëndesim këtë arritje kaq të madhe të Shqipërisë, pra edhe një ëndërr e realizaur e shqiptarëve. Dhashtë zoti që së shpejti të anëtarësohet së bashku me Kosovën edhe në Bashkimin Europian.
Ka mbetur edhe shumë pa u folur këtu, por nuk mund të ndahem pa thënë, faleminderit Shqipëri, faleminderit dr. Sali Berisha. Urime njëvjetori i pavarësisë së Kosovës, urime hyrja e Shqipërisë në NATO. Po e përfundoj fjalën time duke iu lënë në shoqërinë e nxënësve nga Rottweili me disa valle të përgatitur nga mësuesja Ilmije Ademaj.
Duke iu uruar një mbrëmje të hareshme të pranishmëve që ishin në sallë Arton Ferizaj e përfundoi fjalën e tij të rastit, për t`i lënë vend të merituar grupit të valleve nën koreografinë e Ilmije Ademajt e cila kishte përgatitur një program të pasur të valleve me motive tradicionale shqiptare.
Nga kurreshtja për të mësuar më tepër zhvilluam një bisedë të shkurtër ku ndër të tjera zonja Ilmije na tha: Pavarësisht nga angazhimet e mia që kam me familjen, fëmijët që ende janë të vegjël, unë do të angazhohem edhe më tej jo vetëm me valle por edhe me aktivizimin e shkollës me mësim plotësues në gjuhën shqipe. E them këtë sepse vetëm me këto forma të punës sonë ne do të jemi në gjendje t`i ruajmë fëmijët tanë nga asimilimi i mundshëm. E kam fatin e madh që këtu në këtë rreth ku jetoj e kam përkrahjen e madhe te prindërve dhe në veçanti kam përkrahjen e kryetarit të Shoqatës „Iliria“ Zenel Osmanajt“.
Në këtë manifestim për t`i dhënë ngjyrë edhe më festive ishte e ftuar enkas Shkurte Fejza e cila të pranishmit i argëtoi me një zhanër të këngëve folklorike shqiptare. Vlen të theksohet se Mehmet Osmanaj një aktivist i dalluar si në Shoqaten “Iliria“ të Rotweillit ashtu edhe në klubin „Kosova“ në Singen ishte edhe një donatorë për këtë manifestim.
Azem Veliu