Sejdiu s’pati kohë për inaugurim

Sejdiu s’pati kohë për inaugurim





Nga Express

Angazhimet e djeshme të përfaqësuesve të institucioneve të Kosovës kanë qenë maksimale. Presidenti Fatmir Sejdiu ka qenë i ftuar, por nuk ka pasur kohë të marrë pjesë në ceremoninë përuruese të autostradës Durrës-Morinë.

Ky është shpjegimi i zyrtarëve të Lidhjes Demokratike të Kosovës (LDK) të pyetur nga gazetarët se si është e mundur që asnjë zyrtar i lartë i Kosovës, nuk mori pjesë në inaugurimin e djeshëm të rrugës, që konsiderohet që i kontribuon zhvillimit edhe të Kosovës.

“Gjithçka që është e dukshme, e prekshme, transparente nuk ka nevojë të rikonfirmohet. Angazhimet e djeshme të gjithë përfaqësuesve të institucioneve të vendit kanë qenë maksimale edhe në bashkëpunim, komunikim këto janë çështje të rëndësishme relevante për procesin që ka kaluar Kosova, thjesht nuk ka pasur hapësirë kohore që të jetë qoftë Presidenti ose kryeministri në inaugurimin e kësaj rruge”, tha Ramë Manaj, Sekretar i Përgjithshëm i LDK-së, në konferencën e rregullt me gazetarë.

Më tutje, Manaj e vlerësoi një arritje të madhe të karakterit historik për gjithë hapësirën shqiptare, inaugurimin e autostradës Durrës-Kukës-Morinë. Sipas tij, kjo rrugë hap definitivisht barrierat e integrimit të komunikimeve brendashqiptare.

“Një rrugë që ka rëndësi, jo vetëm ekonomike dhe një rrugë që u kontribuon integrimeve të mëtutjeshme të shqiptarëve këndej dhe andej kufirit, por edhe gjithë rajonit të integrimeve evropiane”, u shpreh funksionari i lartë i LDK-së – Manaj, njëherit zëvendëskryeministër i Kosovës.

Ai përsëriti propozimin që kjo autostradë të pagëzohet me emrin e presidentit historik të Kosovës, Ibrahim Rugova. Sipas Manajt, ndërtimi i kësaj rruge, ka qenë së pari ide e Rugovës.

Sejdiu s’u ftua në inaugurim, sqaron Presidenca






Nga Express

Zyra e Presidentit të Kosovës ka sqaruar se Presidenti Fatmir Sejdiu nuk ka pasur ftesë të marrë pjesë në ceremoninë e inaugurimit të autostradës Durrës-Kukës.

Nëpërmes një komunikate shtypi, Presidenca thekson se në këtë ngjarje pjesëmarrja ka qenë e paraparë në nivel kryeministrash.

“Siç dihet, Presidenti Sejdiu është takuar në Tiranë, më 24 qershor 2009, edhe me Kryeministrin e Shqipërisë, z. Sali Berisha, të cilin e ka përgëzuar për punën e madhe që është bërë për ndërtimin e kësaj autostrade, e cila është shumë e rëndësishme për zhvillimin ekonomik dhe intensifikimin e bashkëpunimit të gjithanshëm në mes Shqipërisë dhe Kosovës, si dhe rajonit në përgjithësi”, thuhet në komunikatën shpërndarë medieve pasdite.

Më herët gjatë ditës, zyrtarë të lartë të LDK-së kishin deklaruar se presidenti Sejdiu ka qenë i ftuar, por nuk ka pasur kohë të marrë pjesë në ceremoninë, që u mbajt në Rrëshen të Shqipërisë.

Sejdiu s’pati kohë për inaugurim

Angazhimet e djeshme të përfaqësuesve të institucioneve të Kosovës kanë qenë maksimale. Presidenti Fatmir Sejdiu ka qenë i ftuar, por nuk ka pasur kohë të marrë pjesë në ceremoninë përuruese të autostradës Durrës-Morinë.

Ky është shpjegimi i zyrtarëve të Lidhjes Demokratike të Kosovës (LDK) të pyetur nga gazetarët se si është e mundur që asnjë zyrtar i lartë i Kosovës, nuk mori pjesë në inaugurimin e djeshëm të rrugës, që konsiderohet që i kontribuon zhvillimit edhe të Kosovës.

“Gjithçka që është e dukshme, e prekshme, transparente nuk ka nevojë të rikonfirmohet. Angazhimet e djeshme të gjithë përfaqësuesve të institucioneve të vendit kanë qenë maksimale edhe në bashkëpunim, komunikim këto janë çështje të rëndësishme relevante për procesin që ka kaluar Kosova, thjesht nuk ka pasur hapësirë kohore që të jetë qoftë Presidenti ose kryeministri në inaugurimin e kësaj rruge”, tha Ramë Manaj, Sekretar i Përgjithshëm i LDK-së, në konferencën e rregullt me gazetarë.

“Kanë qenë të ftuar të gjithë, pjesëmarrje e përgjithshme”, ka shtuar Manaj, i pyetur nga gazetarët.

Nga ana tjetër, Manaj e vlerësoi një arritje të madhe të karakterit historik për gjithë hapësirën shqiptare, inaugurimin e autostradës Durrës-Kukës-Morinë. Sipas tij, kjo rrugë hap definitivisht barrierat e integrimit të komunikimeve brendashqiptare.

“Një rrugë që ka rëndësi, jo vetëm ekonomike dhe një rrugë që u kontribuon integrimeve të mëtutjeshme të shqiptarëve këndej dhe andej kufirit, por edhe gjithë rajonit të integrimeve evropiane”, u shpreh funksionari i lartë i LDK-së – Manaj, njëherit zëvendëskryeministër i Kosovës.

Ai përsëriti propozimin që kjo autostradë të pagëzohet me emrin e presidentit historik të Kosovës, Ibrahim Rugova. Sipas Manajt, ndërtimi i kësaj rruge, ka qenë së pari ide e Rugovës.