Mustafa: Jo dialogut politik me Serbinë

nga **Agim Gashi** Tue Sep 25, 2012 7:43 pm

Mustafa: Jo dialogut politik me Serbinë

Kryetari i Lidhjes Demokratike të Kosovës Isa Mustafa, ka deklaruar sot se është kundër dialogut politik me Serbinë.
Si duket Mustafa i ka rënë pishman për deklarimet e tij të para disa ditëve nga Londra kur ka thënë se Kosova duhet të negociojë me Serbinë, edhe pse ai ka thënë se është keqinterpretuar deklarata e tij.
Ai sot gjatë një aktiviteti të Komunës së Prishtinës, në sheshin Nëna Terezë, i pyetur nga gazetarët për këtë temë, ka thënë se bisedimet politike me Serbinë kanë marr fund në Vjenë dhe me Serbinë nuk ka për çfarë të bisedohet më.
“Konsiderojmë se bisedimet politike me Serbinë kanë përfunduar në dialogun e Vjenës. Ne jemi që të bisedojmë me qytetarët e Kosovës duke përfshirë edhe ata të veriut, por jo me Serbinë. Ne me Serbinë mund të bisedojmë vetëm si dy shtete fqinjë, ashtu siç mund të bisedojmë me Shqipërinë, Maqedoninë dhe Malin e Zi”, ka thënë të martën kryetari i LDK-së, Isa Mustafa.
Këto komente i ka bërë pas hapjes së Panairit të Vlerave Kulturore, Trashëgimisë Kulturore.
Ndryshe ky është edicioni i tetë me radhe i organizimit të këtij panairi nga Komuna e Prishtinës. Kosova është shteti i 49 që ka marrë pëlqimin nga Komisioni Evropian për organizimin e një panairi të tillë, në të cilin forcohen lidhjet ndërkulturore në mes të vendeve të ndryshme të Evropës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30