AKR: Orkestrime të pa vlera kundër z.Pacolli

nga **Agim Gashi** Thu Oct 04, 2012 10:56 pm

AKR: Orkestrime të pa vlera kundër z.Pacolli

Aleanca Kosova e Re, është e detyruar të reagojë përkitazi me deklaratën e eurodeputetes Ulrike Lunaçek, raportuese për Kosovën në Parlamentin Europian, deklaratë kjo e publikuar në portalet informative në Kosovë, të cilat i referohen përgjigjes së eurodeputetes Lunaçek, në pyetjen e gazetarëve lidhur me rastin e zv/Kryeministrit, Behgjet Pacolli, i cili sipas tyre është nën hetime nga prokurorët e EULEX-it. Në përgjigje znj.Lunaçek thotë: “Dorëheqja do të ishte shembull i mirë dhe do të përmirësonte imazhin e Kosovës”.
“AKR beson fuqimisht se zonja Lunacek është përdorur me qëllim nga ana e disa mediave dhe qarqeve të caktuara në Kosovë, të cilat tash e sa kohë nuk pushojnë së reshturi, në lansimin e lloj-lloj intrigave ndaj zv/Kryeministrit të parë të qeverisë së Kosovës, njëherit president I AKR-së dhe punës së gjithë qeverisë së Kosovës”, thuhet në reagimin e AKR-së.
Me tej thuhet në reagim se kjo parti dëshiron t’ua bëjë me dije, se tendencat e grupeve të ndryshme tashmë janë shpërfaqur publikisht dhe për fat të keq kanë arritur që të përfshijnë edhe një numër të miqve të Kosovës, siç është rasti me zonjën Lunaçek.
“Ne, jemi të prirur të besojmë se eurodeputetja e nderuar Lunaçek nuk i është referuar me këtë rast zotit Pacolli, sepse kësisoj do të binte në kundërshtim edhe me frymën e Konventës Europiane për të Drejtat e Njeriut dhe parimeve Europiane të cilat prezymojnë pafajësinë në secilin rast”.
Për më tepër, zëvendëskryeministri Pacolli nuk ka pasur asnjëherë ndonjë njoftim se kundër tij janë duke u zhvilluar hetime.
Përkundrazi, në këtë rast konsiderojmë se veprimi i z.Pacolli, i cili me kohë ka denoncuar një rast korrupsioni në autoritetin e duhur, duhet të çmohet dhe të vlerësohet nga të gjithë, e veçanërisht nga ata të cilët kërkojnë nga institucionet e shtetit të Kosovës, sundimin e rendit dhe të ligjit.
“Aleanca për Kosovën e Re, i bën thirrje zonjës Lunacek të deklarohet përkitazi me deklaratën në fjalë në mënyrë që të mos bie pre e keqinterpretimeve të medieve dhe grupeve të caktuara, të cilat me çdo kusht kërkojnë “kokën” e atyre që janë të vendosur dhe veprojnë për sundimin të rendit dhe ligjit. AKR edhe njëherë shpreh gatishmërinë e plotë të saj, që të jetë në funksion të vendosjes së shtetit ligjor”, thuhet në reagim.
AKR beson me bindje se është fjala për një orkestrim të veprimeve nga më të ndryshmet në përpjekje për ta rrëzuar qeverinë e Kosovës, ndër të tjera duke sulmuar një nga figurat kyçe të partnerëve të koalicionit, me qëllim të realizimit të agjendave të tyre politike.
“Kjo është dëshmuar edhe nga miqtë e mëdhenj atë Kosovës, të cilët kanë qenë pjesë e proceseve politike, e të cilët kanë deklaruar se në Kosovë ka grupacione të cilave u pengon zoti Pacolli dhe disa figura të tjera të skenës politike. AKR beson fuqimisht në përkrahjen e institucioneve ndërkombëtare dhe të miqve të Kosovës, në proceset zhvillimore në vend, njëkohësisht kërkojmë që gatishmëria e tyre mos keqpërdoret për luftë për pushtet. Zoti Pacolli në vazhdimësi ka treguar përkushtim dhe përgjegjësi në avancimin e proceseve të përgjithshme në vend, dhe të njëjtën gjë do të vazhdojë ta bëjë edhe në të ardhmen”, thuhet në reagimin e AKR-së. BS

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30