Krasniqi në VV, jo pa kërkuar falje publike

nga **Agim Gashi** Thu Oct 25, 2012 8:33 pm

Përplasjet e fundit në PDK dhe kundërshtimet e Kryeparlamentarit Jakup Krasniqi kanë bërë që kohëve të fundit të ngjallin dyshime për një largim të mundshëm të tij nga kjo parti.

Krasniqi është parë që ka përkrahur shumë çështje të ngritura nga lëvizja Vetëvendosje, duke ngjallur edhe më shumë dyshime për një të ardhme të tij për aderim në drejtim të kësaj lëvizje.
E për një aderim të tillë, Krasniqit do të duhej ti plotësojë disa kushte, pasi për Lëvizjen Vetëvendosje nuk janë të mjaftueshme kundërshtimet e tij të fundit.

Dardan Molliqaj sekretar organizativ në Lëvizjen Vetëvendosje, ka thënë për Indeksonline se ‘çdo person i cili ka qenë i angazhuar në politikën e Kosovës në nivelet e larta politike, ku janë marrë vendime, si për Planin e Ahtisarit, ndërrimin e Flamurit, negociatat me Serbinë e krejt këto çështje të tilla, para çdo diskutimi me Vetëvendosjen çdo person i tillë do të duhej të mbante një qëndrim për këtë’.

“Pra nëse ka qenë i përfshinë siç është rasti i Jakup Krasniqit, a do të del ai publikisht dhe të thotë se krejt çka ka ndodhë gjatë këtyre viteve në aspektin politik për mu ka qenë gabim”, ka deklaruar Molliqaj për Indeksonline.
Për Vetëvendosjen Krasniqi do ti duhej të kërkojë falje para publikut, për të gjitha veprimet që janë bërë deri më tani në qeverisjen e pasluftës, pasi që edhe ai ka qenë pjesë e kësaj politike.

“Po du me thonë se ai duhet të ketë një qëndrim parimor politik, që i bie me kërku falje për krejt veprimet që i ka bërë deri tash, ai dhe të tjerët. Dhe e dyta, ai duhet ta pranojë programin politik të Lëvizjes Vetëvendosje. E për tu anëtarësuar në Vetëvendosje ne nuk mund të ja ndalojmë dikujt që e ka një qëllim të tillë. Por ne nuk bëjmë pazare me peshkime të njerëzve, se: hajde bëhu deputet i joni, hajde kryetarë i joni, e hajde kryeministër”, ka thënë Molliqaj, duke shtuar se një aderim i tillë gati se është i pamundshëm.

“Mendoj se rasti i tillë kogja është i pamundshëm. Po e shoh sepse akoma nuk kom vërejt një deklarim të tillë nga z. Krasniqi. Akoma s’kemi parë që ai është kundër planit të Ahtisarit, që ai është kundër simboleve të institucioneve të Kosovës, dhe që është kundër negociatave me Serbinë”, ka thënë Molliqaj për Indeksonline.

Por për Vetëvendosjen, nëse Jakup Krasniqi, do të bënte deklarime të tilla publike, ai më së pari do ti kontribuonte shtetit.

“Nëse një person që është në maja të pushtetit do të kërkonte falje dhe do të tregonte që është një gabim kjo rrugë, atëherë kjo do ti kontribuonte vendit, e pastaj kjo është më e rëndësishme se a vjen ai në vetëvendosje apo jo edhe a e pranon vetëvendosja atë apo jo, është shumë e rëndësishme kontribuimi në çështjen të cilën po flasim”, ka thënë Molliqaj.

Indeksonline ka tentuar që të flasë edhe me Jakup Krasniqin, por një gjë e tillë ka qenë e pamundur./Indeksonline/

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30