Cikël poetik nga Kumrie Avdyl Shala alias Shketrir Sahara

nga **Agim Gashi** Sat Nov 03, 2012 10:25 pm

Cikël poetik nga Kumrie Avdyl Shala alias Shketrir Sahara

Lot gëzimi

Qava me lot gëzimi kur linde, o bir
E qejflisur kur shihja rritën tënde,
Fillova të mërzitem kur u bëre burrë
Qava dhe prapë po qaj qe s’u bëre njëri kurrë.

Jeta dhe vdekja je

I largët ishte rrugëtimi
Të vështira ishin sfidat
E viteve me radhë,
Të gjitha u radhitën në kalendar.
Sfidove shumë furtuna
Harrove vellon e bardhë,
Kurorë lidhe pa dëshmitarë.
Jeta dhe vdekja je
Fjalën e dhe para zotit me vendosmëri,
Rrugëtove e rrugëtove vdekje përqafove.

Njëri i perëndisë

Ç’të mundon, o njeri i perëndisë!
Ç’je zverdhur në fytyrë?
Lotët s’mundësh t’i mbash
Apo padrejtësia të uli poshtë?
Mbaje vetën, o njeri i perëndisë!
Mos u ligështo para padrejtësisë!
Se njeri i perëndisë je.
Ai ty të do kështu të mundon
Andaj duro e mos u gjunjëzo
Ngrije kokën lart!
Përbiji lotët që filluan të të bien rrëke
Shtërngo trupin, zemrën forco!
Para ligësisë ballëhapur qendro!
Mos u shtir fajtor, kur nuk je!
Mos u bën i mjerë kur as i tillë nuk je!
Se njeri i perëndisë ti je.
Ai të ndihmon
Ai ty një ditë do të të përparojë
Do të të japë atë pasuri që ti e meriton,
Ai njëri i perëndisë që duron padrejtësinë
Ai do të ta fitojë pasurinë
Pasuria e tij është afërsia
Pasuria e tij është lumturia
Pasuria e tij është dashuria
Të gjitha këto perëndia do t’i falë
Se nuk je i lig e nuk je i marrë
Je kokëlartë e je bujar
Më atë pasuri që do ta kini
Do ta mbani deri në rrugën e amshimit
Se perëndia të uron fat gëzimi.

MBULOJE VARRIN E ZBLUAR

Largojuni errsirës qe ju ka kapluar para syve,
mblidhni eshtrat,mos i lini te shperndar.
Mos llakerdoni fjale te kota,
Përkuluni në gjunjë putheni token e cila u la më gjakë,
Gjakë rinie kosovare që su gjunjëzua kurr,
A po e shiheni humneren e popullit ,
që është duke u kanosur nga egersirat gojë embëla.
mos e lini tokën tuaj në mëshirën e zotit,
zot, t’shtëpisë sate mos lejo askend të bëhet.
Feshkellima e erërave mos t’u marrin mentë,
Mos u sillni rreth e përçark para varreve te shtrejta,
para atyre që u flijuan ta gezoni këtë të shkret,
ku mbeti amaneti i tyre,
e thuani më shumë lehtësi ,
dhelpra dinake sillët e krenohet,
kur nga goja mer copzen e djathit me dredhi.
bashkonu e mi mblidhni eshtrat po ju them,
Se ujqit janë duke u sillur verdall,
A po i ndegjoni si ulurojnë,
Apo errsira ju ka mbuluar sytë.
E nuk po ju le të shini drejtësinë,
Se para syve keni venë një përqe të zezë,
Qe të tjerët po i kallë trishtimi.
Mos u rrenqethuni ku t’filloj egzodi,
Mjeshtria e goje mjaltit.
Mbulojeni varrin e zbluar.
(kjo poezi u shenu me 21 maj 2001. K.Shala)

Rroft Flamuri yne KOMBETAR

Ane e kend shqipetar ku jeni,
Shqipen tone dy krenare mos t'lejojme te bejne bezare,
te gjithe tok te bashkuar,
rreth flamurit tone kombetar,
ta festojme me faqe t'bardh,
me Kosove e me Shqiperi,
me Tetove, Gositivar me Presheve e Tivar,
me Medvegj e Bujanovc,
me Plave e Guci
te bashkojme te madhen Shqiperi.
O vellezer shqipetar te ngrehim dolli
per shqipen dy krenare per flamurin kuq e zi...

KOHA ME KALITI

Te besueshmit u zhgënjyen
Të pabesët u bënë besnikë
Ecëm, punuam, vepruam pandërprerë
Për një ditë më të mirë,
E ti e shkatërrove të tërën.
Sa trishtuese është mëkat
Çka i bëre popullit tënd...
Trishtimet mbeten në mëshirën e kohës
Dua të mbetet enigmë e jetës së hidhur,
Jetës së tmerrit ...
Trishtimin një ditë do ta kujtosh.
S’kërkoj bekim nga të pabesët
S’kërkoj lëmoshë e ndihmë nga hajdutët kurvarë,
Nga krijesat të pavlerë, të fëlliqur e të përlyer,
Mëkatet nuk shpërlahen më një kafshatë
Çka vdes nuk ringjallet
Çka digjet nuk lind nga hiri...
Ndaje të keqen nga e bukura
Mos ndërto harmoni mbi atë që së ndërtove ti
Mos vë rregulla të çrregulluara,
ti iu gëzove vdekjes të pa mirëseardhur nga Zoti.
Të pabesin po e ledhaton,
Kthehu një herë pas
Të pafajshmin mos e shfrytëzo për qëllime vetanake,
Pendohu për veprime e mëkate që i ke bërë
Popullit tënd, oj krijesë pa vlere...

Shpresa u shua

Pellumbi nga dora rreshqiti
e bashke me te edhe shpresa,
Me kilometra humbi gezimi
dhe lumturia u fundos ne germadhat pafund...

Biografi e shkurtër për Kumrie Avdyl Shala alias Shkretir Sahar

Kumrie Avdyl Shala e lindur me 10 dhjetor 1971,ne fshatin Graboc te Pejës. Shkollën fillore e ka përfunduar në Gorozhdec ndërsa të mesem në Pejë,kurse studimet në Gjakovë ,Pejë dhe Prishtinë.Ka të përfunduar Pedagogjinë,Gazetarinë si dhe shkollën e lartë të komunikacionit (instruktor e Autoshkollës).Kumria është shqiptare ,e pa martuar dhe është apolitike. Rrjedh nga një familje liridashëse kombëtare shqiptare me traditë. Prejardhjen e ka nga Shala e Vendit – Shqiperi. Jeton dhe punone në Komunën e Pejës.
Me poezi merret që moti po akoma nuk ka botuar ndonjë libër edhe pse e ka të pregatitur për botim.Për veprimtarinë e saj do të flasim në ciklet tjera të poezive.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30