AK proteston kundër Kserës, e akuzon për tradhti. AK thumbon PDIU: Shitën çështjen kombëtare për 3 poste drejtorësh

nga **Agim Gashi** Wed Nov 21, 2012 8:36 pm

AK proteston kundër Kserës, e akuzon për tradhti. AK thumbon PDIU: Shitën çështjen kombëtare për 3 poste drejtorësh

Të rinjtë e Aleancës Kuq e Zi dolën në një protestë përpara Ministrisë së Punës dhe Çështjeve Sociale për të kërkuar dënimin e ministrit Spiro Ksera për tradhti kombëtare.

“Aleanca Kuq e Zi është këtu për të protestuar kundër sjelljes antikombëtare të ministrit të Punës, Spiro Ksera, i cili është takuar me deputetët e Agimit të Artë, të cilëve u ka deklaruar se po punon për ndarjen e Shqipërisë dhe realizimin e të ashtuquajturit “Vorioepir”.

Kjo është qeveria e shtetasit Sali Berisha, e përbërë nga tre ministra grekë dhe 13 filogrekë, të cilët ditë pas ditë po provojnë se punojnë kundër interesave të Shqipërisë dhe shqiptarëve. Njëri shiti detin, tjetri kombësitë dhe tani faktet dhe tradhtitë flasin për punën që po bëhet nga ministrat e qeverisë për ndarjen e Shqipërisë. Ky ministër është turp kombëtarë mbi të gjitha në këtë 100 vjetor të pavarësisë së Shqipërisë,” tha Sekretari i Rinisë Kuq e Zi, Adriatik Lapaj.

AK nuk ka lënë pa thumbuar PDIU-në dhe retorikën e saj nacionaliste. AK thotë se ata e kanë shitur çështjen kombëtare me tre poste drejtorësh.

“Aleanca Kuq e Zi dënon ashpër dhe me forcë këto akte të tradhtarëve që janë mandatar nga Sali Berisha për të qeverisur shqiptarët. Kjo qeveri nuk është e shqiptarëve sepse ajo nuk gëzon më mbështetjen e popullit dhe po mbahet në këmbë prej aferave tradhtare dhe antikombëtare të shtetasit Sali Berisha i cili nuk rresht së turpëruari kombin shqiptarë.

Aleanca Kuq e Zi ka një mesazh dhe për ata pseudo-patriotë që janë në koalicion me shtetasin Sali Berisha. Ata që shitën çështjen kombëtare për tre poste drejtorësh të mos dalin me flamuj kombëtarë sepse e turpërojnë atë, por të marrin vendime burrërore dhe të refuzojnë të jenë në koalicion me këtë qeveri tradhtare,” tha Lapaj.

“Aleanca Kuq e Zi i premton mbarë kombit shqiptar se fundi i tradhtarëve po afron dhe një qeverisje kuqezi do të rikthejë dinjitetin e cenuar nga kjo qeveri, do të lartësojë identitetin kombëtarë dhe do të luftojë për realizimin e aspiratës shekullorë të shqiptarëve për bashkim kombëtarë. Për Aleancën Kuq e Zi trojet etnike të grabitura pabesisht nuk do të falen asnjëherë për asnjë çmim”.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30