Nxënësit kërkojnë bashkim kombëtar

nga **Agim Gashi** Fri Nov 23, 2012 9:40 pm

Nxënësit kërkojnë bashkim kombëtar

Qindra nxënës të shkollova të mesme të Prishtinës, kanë marshuar nga komuna e Prishtinës deri para qeverisë, duke kërkuar kështu Bashkimin Kombëtar.

Në këtë marsh ishin nxënës të shkollës së mesme ekonomike “Hoxhë Kadri Prishtina”, nga gjimnazi “Sami Frashëri” si dhe nga shkolla e mesme elektroteknike “Gjina Gazulli”, duke u betuar për pavarësi, për bashkim dhe për zhvillim të atdheut.

Tringa Pajaziti e cili i është drejtuar marshuesve ka thënë se projekti për bashkim nuk realizohet përmes negociatave me Serbinë por përmes angazhimit të përbashkët të të gjithëve.

Pajaziti duke iu drejtuar të gjithë marshuesve ka thënë se ky marshim për bashkimin kombëtar është plotësim i amanetit të të parëve tanë, dhe se sipas saj, po marshojnë për tu bërë të pavarur, ngase konsiderojnë se pavarësia e tyre, është e drejta për bashkim kombëtar.

“Ky projekt ka për t’u realizuar nga ne, të rinjtë e sotëm. Në këtë marshim të sotëm, ne i bashkohemi betimit të të rinjve shqiptarë në shekullin e fundit. Ne betohemi për pavarësi, për bashkim, e për zhvillim të atdheut tonë”, ka thënë ajo.

Ndërkohë gjatë marshimit të tyre ata kanë parakaluar nga hoteli Sëiss Diamond ku gjatë parakalimit të tyre është shpalosur mbi këtë hotel, flamuri kuq e zi i përmasave tejet të mëdha. Flamuri do të qëndrojë aty deri në përfundimin e festave të fundvitit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30