Ansa: ‘Shqipëria etnike’ në mendjen e Berishës

nga **Agim Gashi** Thu Nov 29, 2012 1:18 pm

Ansa: ‘Shqipëria etnike’ në mendjen e Berishës

Agjencia italiane e lajmeve Ansa ka komentuar deklaratat për bashkim të kryeministrit të Shqipërisë, Sali Berisha, gjatë ditëve festive të 100 vjetorit të shtetit shqiptar.
“Flamuri kuq e zi me shqiponjën dykrerëshe valëvitet në çdo cep të Shqipërisë, që feston sot 100-vjetorin e Pavarësisë, në një klimë politikisht të ndezur, kryeministri Sali Berisha prej ditësh ka bërë thirrje për unifikim etnik, të gjithë shqiptarëve që jetojnë në shtete të ndryshme në Ballkan, në përpjekje për të rigjallëruar nacionalizmin e fortë”, shkruan Ansa.

Duke iu referuar deklaratës së Berishës në ceremoninë e përurimit të shtatores së Adem Jasharit, agjencia italiane shkruan se fjalët e Berishës kanë vënë në alarm fqinjët e Shqipërisë, duke përmendur vendimin e presidentit maqedonas për të refuzuar ftesën e presidentit shqiptar për të marrë pjesë në kremtimin e 100-vjetorit të pavarësisë së Shqipërisë.

“Ne të gjithë, përfaqësues nga të gjitha territoret etnike shqiptare do të përkushtohemi për të bërë realitet idealin për të cilin martiret tanë kanë luftuar për një shekull të tërë, atë të një kombi shqiptar të bashkuar”, citon Ansa kryeministrin Berisha, i cili më pas nënvizoi se “ëndrra e bashkimit kombëtar do të bëhet së shpejti realitet në BE”.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30